2010年8月14日

蘋果牌三號充電電池,其實就是三洋 Enerloop?

baterie 蘋果公司頂個月底推出附佮 6 粒三號充電電池的 Apple Battery Charger 了後,引起全世界真濟人的興趣。因為蘋果公司家己並無生產電池,到底電池是啥人代工,真是予人真厚疑猜矣。

捷克網站 SuperApple.cz 針對這个問題做了試驗【老刀註:若看無捷克文,會使參考 Google 的英文翻譯】。怹共包裝內底的 6 粒電池其中 4 粒提出來做充/放電試驗的結果(包括電壓-放電時間(請參考正手爿的圖)、工作電壓、總電量、電池內阻等),發見佮日本三洋牌 Enerloop 電池(產品番號 HR-3UTG)十分相近,差不多會當講是仝一款電池。毋過怹犧牲 1 粒電池共伊拆開觀視,並無發見任何廠商的標誌。

SuperApple.cz 嘛公布了怹共 Apple Battery Charger 佮蘋果牌電池拆開過程所翕的相片,雖然相片真濟,但是嘛誠精彩矣。有興趣的朋友,會使去遐參考看覓

沒有留言: