2010年3月2日

過年來到高雄行春


橫渡高雄港
原由 Gontera 上載
這幾暗下班了後,攏咧整理過年歇睏時仔所翕的相片,算來嘛已經真濟工無貼新聞來佮逐家分享。隨著相片沓沓仔整理好勢,就趁這陣來轉貼一寡行春的照片來予逐家參考看覓。

過年彼幾工,台灣中、北部的濕冷,相信逐家猶有印象;毋過來到南台灣的高雄市,顛倒是出大日頭,熱甲愛食枝仔冰降溫,真正予人想袂到。這工我坐渡輪過去足濟冬無拜訪的旗津,喙食旗津海產,跤踏旗后炮台,來到十外冬無拜訪的旗津,心內真是歡喜。可惜下晡欲轉去高雄市的時陣,拄著欲排幾若公里長的隊伍去坐船,等甲跤痠手軟,就絕對毋是輕鬆的代誌矣。

這擺老刀共所翕的相片攏囥佇 Flickr 相簿內底,歡迎逐家來參觀看覓。嘛歡迎分享過年時去耍的好所在,報予逐家知影喔。

沒有留言: