2010年1月11日

看報導「查打通用輸入法」有感

下跤這篇原本是自由時報的報導

中文輸入有更簡易的方式了,一名台北縣的退休初中老師劉端陽獨創出數字輸入法,將中文字歸納到0至9的數字碼,只要使用手機鍵盤就可以輕鬆打出1萬3000多個中文字,讓中文輸入便的更輕鬆、快速。

劉端陽表示,這個以數字為基礎的輸入法稱為「查打通用輸入法」,因為只有0到9個數字鍵,比嘸蝦米還簡單,輸入原理是將漢字數字一二三作為部首,從一到十拆成131個字根,而阿拉伯數字則當成系統簡碼輸入,目前可以轉化出1萬3千多個中文字。

舉例來說,「森」字根拆成三個木,而在該輸入系統當中,字根「木」被歸類在漢字五,所以只要連按三個5,就可以打出「森」字。

這套創新的數字輸入法標榜易上手,目前已有業者與劉端陽洽談著作權,最快大約下半年就能問世。

佇手機內底拍漢字是一件難苦代誌,相信真濟人攏有同感。這个「查打通用輸入法」(佇這篇文章的後壁,老刀用「查打輸入法」來代替)宣稱是專門予手機仔使用的,伊嘛採用親像四角號碼佮行列輸入法的方式來共漢字編碼,所以特別引起老刀的興趣;後擺若有廠商推出利用手機韌體更新的方式來支援這个輸入法,我應該會有興趣學拍看覓。可惜我現此時利用 Google 揣有關查打輸入法的詳細說明,竟然是揣攏無,可見怹猶未建立官方網站,講起來嘛是淡薄仔奇怪?

嘛因為查打輸入法是針對手機仔 0~9 數字來設計,收入佇手機內底應該是上好的方式【老刀按:仝款用數字方式編碼的行列輸入法原本嘛有予手機收入的實力,毋過真可惜,行列科技公司的重心攏佇電腦系統方面,一直無去經營手機市場】。雖然電視新聞內底有劉端陽先生佇 Word 內底用拍字的鏡頭,毋過老刀個人認為,查打輸入法佇 PC 方面應該並無變做主流輸入法的機會。原因有下跤幾點:

  1. 雖然查打輸入法佮歹用的注音輸入法相比,一定會好足濟,但是伊只干焦有 131 个字根爾爾,佮現此時的倉頡大易、行列、嘸蝦米等主流輸入法相比,查打輸入法的重覆字(重碼)的狀況應該會蓋嚴重。
  2. 共字拆做幾个字根,關係著手指頭仔揤鍵盤的數目。毋知影查打輸入法上濟愛揤幾个數字才會當拍出一字?就用大部分手機攏有收入的筆劃輸入法來講,一筆一劃就代表一个數字,一个 15 劃的漢字,就代表這字愛揤 15 个數字才有法度共伊拍出,實在足無方便。佇查打輸入法規格猶未公開進前,這个所在暫且保留。
  3. 想欲拍長篇文章,輸入法的人因工程(人體工學)問題是絕對愛列入考慮。因為查打輸入法干焦利用著 0~9 數字,一般的使用者利用伊來電腦拍字,應該會以鍵盤正手爿的數字鍵為主。所以正爿手指、手腕一直咧出力的結果,容易引起手部傷害。輕者手尾無力,嚴重的時陣,就會因為引起腕道症候群愛去開刀治療。

認真講起來,「查打通用輸入法」除了提供新聞稿予真濟媒體採訪(看起來怹誠知影愛做媒體行銷,這是其他別款輸入法所欠)以外,老刀感覺怹真正是愛加強啦。按怎講咧?下跤是我的感想:

  1. 輸入法的規格(包括取碼方式)應該愛冗早開放。推動漢字輸入法是毋是會當成功,使用者的人數絕對占著重要的因素。當然查打輸入法這陣可能咧申請專利,所以較深入的規格(包括取碼方式)攏無開放出來。毋管這套輸入法以後是欲公開授權抑是欲親像嘸蝦米輸入法按呢賣錢,規格若一直攏無開放出來,佇想欲學卻無所在學的狀況下,連鞭就會使共查打輸入法先判死刑。
  2. 需要建立官方網站推廣。官方網站是公布相關新聞、技術規格、軟體訂價/購買、甚至是提供「試用版」 的好所在。想欲推廣抑是欲賣電腦軟體,無官方網站實在是傷落伍矣。
  3. 支援的字數愛閣增加。以輸入法的專業性來講,一萬三千字實在無夠濟,就連 Big5 範圍嘛補無滇。凡勢這个數目對大部分人來講已經有夠,毋過想欲用踮較專業的用途(親像拍科技論文、學術報告等)猶是無夠用。當然囉,支援 unicode 是絕對有需要。

毋管如何,老刀絕對歡迎、並且嘛希望會當趕緊看著手機產品收入這个輸入法。雖然我毋敢向望用查打輸入法拍字速度會當比佇電腦拍字緊偌濟,但是會當代替歹用的注音輸入法,而且速度有可能比注音緊 2~3 倍(甚至是緊 5 倍以上),查打輸入法予逐家解脫這个苦海,真正是愛謝天謝地矣。

沒有留言: