2010年1月1日

來看媠姑娘仔:第 18 屆台北國際車展


DSCF0210
原由 Gontera 上載

真久無來貼新相片予逐家欣賞矣。這擺老刀因為有收著朋友送來的貴賓券,頂禮拜六 (12/26) 下晡揹著翕相裝備,來到第 18 屆台北國際車展佇世貿中心一館會場來做影像紀錄,翕一寡名車佮媠姑娘仔來予逐家欣賞。

可能是因為開幕第一工的關係,雖然參觀的人誠濟,但猶無到人拄人「𤲍燒」的地步。可惜老刀因為當日紲落來閣有安排其他行程,所以 2 點鐘的參觀過程內底,占著好位翕的作品實在無講蓋濟,就請逐家多包涵矣。

人講「食果子,拜樹頭」,老刀當然愛來共送票的朋友拍車展的廣告,當做感謝:今年台北國際車展到 1/3(這禮拜日)為止,無論你是想欲去看車抑是愛看媠姑娘仔,攏歡迎去現場參觀(當然囉,翕相機絕對愛會記得揹喔)。

這擺出巡所翕的相片,老刀已經共伊囥踮我的 Flickr 相簿內底。觀迎逐家有閒來去罔點看覓矣。

沒有留言: