2010年12月27日

VirtualBox 4.0.0 推出大改版


頂禮拜 Oracle 推出虛擬機器軟體 VirtualBox 4.0.0,這版佮頂一版 3.2.12 相比,改進的所在會當講是蓋濟:
  1. VirtualBox 延伸套件 (Extension Pack):提供支援 USB 2.0、遠端桌面佮 Intel 網路卡 PXE 開機。
  2. 新的虛擬機器檔案位置,增加跨作業平台的可攜性。
  3. 重新設計的「VirtualBox 管理員」。
  4. 虛擬機器內底的(32 位元)客端系統,支援超過 1.5/2.0GB 記憶體。
  5. 新的虛擬機器硬體:支援 3 个 PCI-E 擴充卡的 ICH9,猶閣有 Intel HD Audio。
  6. 限制 CPU 執行時間佮 IO 頻寬,以免虛擬機器食掉傷濟系統資源,來影響母系統的表現。
  7. 支援 VDI, VMDK, VHD 佮 Parallels Desktop (v2) 的磁碟映像【老刀按:Parallels Desktop 3.x-6.x 的用戶,共你的磁碟映像轉做予 2.x 版本使用的格式了後,就會當直接予 VirtualBox 使用】。
  8. 佇 Linux 下跤支援多重虛擬螢幕。
老刀這幾天試用這个 4.0 新版,是愈用愈滿意矣。因為這版新增佮改進的功能實在太濟,想欲進一步瞭解的朋友,請參考怹的改版紀錄

VirtualBox 4.0.0 on Fedora 14

頂懸這張佇 Fedora 14 所掠的螢幕畫面,是 VirtualBox 4.0 開虛擬機器執行 Windows XP SP3的情形。這个虛擬機器(.vdi 檔案)原本是用 VirtualBox 4.0 for Windows 所製作(模擬上新支援的 ICH9 晶片組、2.0 GB 記憶體),然後囥佇外接硬碟來予 Fedora 14 (Linux) 使用;這个 .vdi 檔案嘛會使直接用佇 VirtualBox for Mac/Windows 頂頭。自由、免錢佮跨平台,真正是 VirtualBox 上大的優勢矣!

2010年12月24日

Season’s Greeting: 老刀祝福逐家聖誕快樂

今暗是西洋的「平安暝」,代表一冬一擺的聖誕節又閣來矣。雖然老刀這馬佇臺北米朵咖啡店人佇咧參加老地方冰果室逐禮拜五舉辦的例行聚會,嘛是愛按照慣例,先佇遮祝福逐家聖誕決樂。

誠拄好冷峰到位,真正予這个節日有過節的感覺。老刀向望逐家衫著愛穿予燒、被著愛蓋予好、火雞肉著愛食予飽矣!(敢有人相招去嘉義食火雞肉飯?)

2010年12月21日

(官版)行列 10 數字輸入法對照表釋出

老刀昨昏頭先推出行列 10 數字輸入法 for LIME 鍵碼表了後,行列科技公司今仔日嘛正式推出「行列 10 數字輸入法」的 Unicode 3.0 佮 Unicode 3.1 (CJK Ext-B) 完整對照表。嘛歡迎手機系統平台業者無償移植入去手機系統內底。關於行列 10 數字輸入法的介紹,請參考本站「行列 10 數字輸入法 for LIME 頭先推出!」這篇文章。

想欲掠官版對照表的朋友,歡迎來去行列科技公司網站參考。

2010年12月20日

行列 10 數字輸入法 for LIME 頭先推出!

經過這幾个禮拜佮行列科技公司廖明德先生密切的討論,老刀今日終於頭先推出「行列 10 數字輸入法」(後壁我簡單叫做「行列10」)予 LIME 使用的 1.0A 版鍵碼表。這个鍵碼表需要佮 LIME 做伙使用。想欲進一步瞭解 LIME 的使用方式,歡迎參考:

下跤是我替這个新輸入法寫的說明:

本輸入法表格係由行列科技公司廖明德先生(即行列輸入法發明人)提供原始對照表,經葉光哲先生(老刀)與廖先生共同修正編訂。

「行列 10 數字輸入法」(以下簡稱「行列 10」)係為行列 30 鍵輸入法(以下簡稱「行列 30」)字根數字化的衍生版本,二者對於文字拆碼方式基本上是相同的。主要差異為使用 1234567890 共 10 個數字鍵輸入字根碼,來代替行列 30 中的鍵盤鍵位。本 1.0A 版本支援 Unicode 3.0 範圍(亦即包括中日韓統一表意文字延伸 A 區 (Ext-A)),共二萬七千餘漢字。

註:本輸入法另提供支援 Unicode 3.1 範圍漢字(亦即包括中日韓統一表意文字延伸 B 區 (Ext-B))的版本,版本號碼為 v1.0B。

「行列 10」與「行列 30」相異之處,說明如下:

  1. 輸入文字時,行列 30 係以「鍵位」代表字根,如字根「日」之字根碼為 01,即對應到英文鍵盤的 "P" 鍵;而行列 10 為直接輸入字根碼 (01)(其餘字根均依此類推)。
  2. 單字根碼僅按單鍵(行列 30 的字根碼 1-,在行列 10 中僅按單鍵 (1) 即可),前後皆不補鍵。
    輸入罕用字時,行列 10 無需於字根尾補 "I" 鍵。
  3. 行列 30 每個漢字最多拆 4 個字根(不含罕用字補 "I")。因行列 10 採直接輸入字根碼的方式,故對每個漢字而言,無論是否為罕用字,最多拆 8 個數字。
  4. 行列 10 亦保留輸入原先行列 30 的標點及符號組的功能。請以字根碼 (23)(即相當於鍵盤的 "W" 鍵)作為前導,第 3 碼為符號分組,如 (231) 輸入標點、(232) 輸入括弧、(233) 輸入一般符號……(230) 輸入注音符號,分組方式與行列 30 相同。
    為方便使用者更快速輸入標點及符號,於上述 (231) ~ (230) 10組之下再設支碼。如輸入 (231) 標點符號組時,(2311) 是該組第 1 頁的 10 個符號,(2312) 則是該組的第 2 頁的 10 個符號……(餘類推)。故當使用者熟知要的符號是標點符號的第幾頁後,就可以直接打 4 碼快速找到,例如要輸入「■」符號時,只要打 (2312) 再選第 7 個,如果不熟,打 (231) 3 碼再往後找,同樣可以找到。
  5. 行列 10 新增輸入全形英文字母及數字的功能,並編入字根碼 (255)。當輸入 (255) 時即可自候選字窗選取,或亦可再輸入第 4 碼(分組支碼),以縮短選取全形文字所需時間。說明如下:
  • (2551):全形英文字母A至J,共 10 個。
  • (2552):全形英文字母K至T,共 10 個。
  • (2553):全形英文字母U至Z,共 6 個。
  • (2554):全形英文字母a至j,共 10 個。
  • (2555):全形英文字母k至t,共 10 個。
  • (2556):全形英文字母u至z,共 6 個。
  • (2550):全形數字0至9,共 10 個。

本輸入法為將行列字根數字化,部分文字的拆法(尤其是輸入標點符號方面)與原行列 30 鍵輸入法相較,已略有調整。故在此將廖明德先生發行原始對照表的註解摘錄整理於下,提供各位參考:

  1. 本檔案已依照字頻序排列(前加幾個常用符號)。
  2. 字頻資訊是以平衡語料庫加網路論壇的字頻統計資料綜合而成,以兼顧一般運用及網路上使用的均衡性。
    建議使用者使用行列數字輸入時,保持原來的想法輸入,如「二」字,雖然是輸入 (11),但心裡還是想著 (1- 1-) 即默念(1單1單),只有在輸入「工」字時,才是想 (11),這樣回到 30 鍵盤上才不會亂掉。
  3. 本行列數字輸入法最多為 4 根 8 數碼(未加罕用區別碼)。因對照表以字頻排序,故程式接到敲鍵後宜以依序抓取,順序顯示待選字的方式處理,若再接收到下一個鍵,則再篩掉不合的字,保留符合的字,如此應該大部份的字都在敲 4 或 5 個數字鍵內就會出現供使用者選取。要注意這種情形,如「龜」有 (7711)、(77151)、(77198)、(7712) 四種拆法,使用者一直敲到第三個鍵 (771) 時,在對照表內符合的抓出來會有四個「龜」字,但只需顯示一個「龜」字,(當然 4 組編碼都要保留等待下一鍵進來比對)。
  4. 非常用字的單根碼轉變成 4 根碼(4 根最多 8 碼)置於後段。
  5. 編 (09) 開頭的特殊符號 09?  09『  09』 09. 09– 09* 09/ 09…
    編為 (09) 開頭是為了避開和 (08) 開頭的常用字混在一起。且 09 和 08 回到 30鍵時是同一鍵位。
    編 (35) 開頭的 35片 35 岩 35! 35「 35」 35、 35“  35 ”35( 35)
    編十組符號以 (23)(代替W)前導,(231)(標點)、(232)(括號)、(233)(一般)、(234)(數學)……等,共十組。
    數字編碼以 (23) 為十組符號的前導碼,因 (23) 沒有字根,位置一樣在 W,用它為前導碼就不會跟字混雜顯現,且使用者回到 30 鍵上輸入能夠保持一致。
    行列數字輸入應以隨著資訊增加漸縮符合字集的方式顯示待選字,在特殊符號的部份因每組符號有幾十個,因此配合漸縮字集方式設計成:
  6. 當輸入 (231) 標點符號組,(2311) 是該組第 1 頁的十個符號,(2312) 則是該組的第 2 頁的十個符號……餘類推。
    當使用者熟知要的符號是標點符號的第幾頁後,就可以直接打 4 碼快速找到,例如要「■」符號,只要打 (2312) 再選第 7 個,如果不熟,打 (231) 3 碼再往後找也是找得到。

版權聲明:

本輸入法表格版權,屬廖明德先生與葉光哲先生共有。惟依行列輸入法公開授權使用之精神,歡迎各位朋友引用、散布(複製)。為使本輸入法符合各家作業平台及使用環境,亦歡迎使用者修改本檔案;惟請於所修改之原始檔或說明文字中,註明檔案來源及版次資訊(如:「本輸入法係修改自行列 10 數字輸入法 (array10 numeric) for LIME, v1.0A」),以因應未來本輸入法表格版本後續更新時,可提醒修正者或使用者配合維護。

2010年12月12日

行列數字輸入法將欲推出!

猶會記得今年初老刀佇本站發表這篇「看報導『查打通用輸入法』有感」嗎?共漢字化做 1234567890 攏總 10 个數字鍵,特別適合佇手機頂頭使用,看來真正是袂䆀。毋過代誌經過到今咧欲一冬,發明人劉端陽先生並無這一步公開查打通用輸入法的規格、嘛無官方網站,我看應該真濟朋友已經強欲共伊放袂記矣。有想欲體驗用數字拍入漢字的朋友,其實你猶有另外一个選擇,就是將欲推出的「行列數字輸入法」。

「行列數字輸入法」是對佇個人電腦頂懸通用的行列 30 鍵版輸入法(後壁我用「行列輸入法」來代表「行列 30 鍵版輸入法」)演變而來。行列數字輸入法拆解漢字的方式佮原本的行列輸入法攏總仝款,只是共字根化作代碼爾爾;親像拍 (01) 2 个數字代替字根「日」(對應電腦鍵盤的 P 鍵)。雖然一个漢字上濟愛揤 8 个號碼,毋過大部分的漢字用 4~5 个數字就會當拍出。老刀真光榮受著行列輸入法發明人廖明德先生的邀請,除了加入行列數字輸入法的試用計畫以外,嘛負責包裝鍵碼對照表的部分。最近將欲正式推出的行列數字輸入法,會使用下跤 2 个版本釋出:

  • 支援 Unicode 3.0 範圍,攏總 27,489 字的「A 版」,也就是「中日韓統一表意文字延伸 A 區」(Ext-A)。
  • 支援 Unicode 3.1 範圍,攏總 76,798 字的「B 版」,也就是「中日韓統一表意文字延伸 B 區」(Ext-B)。【老刀按:Windows Vista 佮 Windows 7 內底的「新細明體-ExtB」,就是屬於這个範圍的字型】

因為並毋是個人電腦、PDA 佮手機的系統攏全面支援 Ext-B 漢字,所以 A 版佮 B 版推出了後,逐家會當按照需要鬥入適合的版本。

行列數字輸入法現此時已經接近完成階段:漢字的部分已經完成,只賰全形標點佮符號的字根位置猶袂確定。老刀已經利用 LIME 共行列數字輸入法鬥入去 HTC Desire 內底(應該所有使用 Android 系統的手機攏適用),使用一禮拜以來感覺真讚(已經完全取代我較早推薦使用的「行列注音輸入法」矣)。想欲知影進一步的消息,請繼續注意本站的報導。

有興趣想欲瞭解、學習行列輸入法的朋友,嘛歡迎來去參考行列輸入法官網的行列教室單元。

2010年12月7日

Google 的新手機 Nexus S 敢會引進台灣?

nexus_s 一如預料, Google 終於推出新款智慧手機 Nexus S,合作的對象對原本 Nexus One 的 HTC,換做 Samsung。老刀個人臆這支 Nexus S 引進台灣的機會應該真大,原因是:

  1. Goolgle 的台灣網頁(網址:http://www.google.com.tw/nexus/)已經有這支手機的網頁,雖然現此時這个網頁猶未漢化(希望怹有拍算欲提供漢文網頁)。
  2. Google 網站提供 "Sign Up" 功能,主動通知關於 Nexus S 銷售消息更新佮優惠活動(請參考頂懸的圖),而且這个功能有包括「台灣」在內。

毋管如何,這支 Nexus S 敢會重演較早 Nexus One 共台灣人「放粉鳥」的歷史,就等待時間證明吧。

2010年12月3日

蘋果推出 iWork for iPad FAQ 技術支援文件(包括漢文版)

今年初以來予真濟朋友等待誠久的 iPad 終於佇台灣 (11/30) 正式出貨矣。老刀雖然無拍算進貨(因為使用 iOS 的 iPhone 佮 iPad 佇拍漢字方面,一直有嚴重問題)入來𨑨迌,毋過對已經入手 iPad 的朋友來講,有一件消息欲報予恁知影:蘋果公司上新一批公布的技術支援文件,包括了 iWork for iPad 系列軟體的 FAQ(上定定予人問著的問題),無論是 iWork 的入門者抑是老用戶,這幾篇文章應該是真讚的參考文件。

請參考:

2010年11月20日

AMD 釋出 Radeon 顯示卡驅動程式 Catalyst 10.11

AMD new icon AMD 這禮拜推出新版 Radeon 顯示卡驅動程式 Catalyst 10.11(想欲試看覓的朋友,請入來官方網站),升級了後,佇 Windows 7/Vista/XP 系統內底的顯示卡驅動程式佮 Catalyst Control Center 版本號碼是 8.791。正手爿是頂一版 (10.10) 佮新版 (10.11) 的安裝程式圖示,AMD 併購 ATI 公司過遮濟終了後,終於共商標「正名化」矣(雖然老刀感覺原本的 ATI 圖示媠較濟)。

這个新版主要是修正頂一版佇 Windows 7/Vista/XP 的一寡問題(親像修正佇 Windows 7/Vista 內底拍開 Aero 特效的情形下跤,執行全螢幕 DirectX 9 應用軟體會當機的問題)。根據 AMD 的講法,下跤這幾款筆記型電腦因為佮官方(公版)的 Catalyst 10.11 有相容性的問題,並無建議更新;建議使用者等候筆記型電腦廠商推出 Catalyst 10.11 的 OEM「客製版本」:

  • 任何一款佇 Catalyst 10.11 驅動程式釋出以後才推出的新型筆記型電腦。
  • 使用 Intel 晶片組,會當切換使用圖形處理器 (GPU) 的筆記型電腦(親像 Apple MacBook Pro 的 2010 年款,就屬於這類)。
  • 東芝 (Toshiba) 牌筆記型電腦。
  • 新力 (Sony) 牌的 Vaio 筆記型電腦。
  • 國際牌 (Panasonic) 牌的筆記型電腦。

根據 AMD 的講法,Radeon HD 5800 系列顯示卡(單片卡)加上 ATI CrossFireX 佇新版驅動程式下跤處理 BattleForge浩劫殺陣3 (S.T.A.L.K.E.R. – Call of Pripyat) 畫面,會當𤆬來 3%-5% 的效能改進。想欲進一步瞭解關於這个新版的說明,請參考 AMD 的版本釋出公告

另外,AMD 嘛推出予 Linux 系統專用的 Catalyst 10.11 驅動程式,這个驅動程式必須踮 X.Org 6.7 抑是閣較新版的圖形環境使用。毋過佇老刀寫這篇文章的時陣,AMD 並無說明 Linux 版本驅動程式新功能佮改進的所在。

2010年11月15日

Mac mini(2010 年中):HDMI 定定拄著的問題

新款 Mac mini(2010 中推出的型體) 親像便當盒仔的尺寸,囥踮客廳毋但無占空間,而且提供 HDMI 端子,是用來作客廳視聽/控制中心的誠好選擇。想欲利用 Mac mini 的 HDMI 佮視聽設備(電視、DVD 放送器、擴大機等)相接的時陣,蘋果公司這篇技術支援文件應該是真讚的參考文件。

特別佇遮報予逐家知影,希望對想欲佈置家庭劇院的朋友有小可仔幫助。

2010年11月6日

台灣的網路金融服務,需要閣再加油啦!(看台灣工銀證券的「e 麥客」軟體有感)

最近台灣工銀證券推出專門予 Mac OS X 專用的股票網路下單軟體「e 麥克」,佇 Mac 用戶內底引起轟動(Mobile01 有「e 麥客」發表會的詳細報導)。老刀身為 Mac 用戶,當然真歡喜 e 麥客軟體出現,並且真正向望這款軟體以後會愈來愈濟;可惜按照這幾冬來逐間公、民營銀行的「網路銀行」佇支援 Mac OS X、Linux、iOS 佮 Android 等「非 Windows 系統」的進度看來,我看是「緊睏較有眠」啦。按怎講咧?

台灣 99% 的「網路銀行」(玉山銀行是唯一例外)所提供的 WebATM 服務,只要是佮晶片讀卡機有關係的功能,攏總愛佇微軟的 Windows 系統加上 Internet Explorer 瀏覽器才會當達成;閣較正確的講法,是 WebATM 網頁內底使用著微軟的 ActiveX 語法。對其他電腦系統(親像 Mac OS X 佮 Linux)的用戶來講,想欲用晶片金融卡繳錢、轉數,根本是毋免數想的代誌。老刀捌踮 2006 年的時陣寫過批信去行政院長信箱,建議政府機關提供的網路服務,應該愛顧慮著「非 Windows 用戶」的方便性(想欲瞭解這段歷史的朋友,歡迎你入來遮抑是這个所在參考),並且建議先對公營金融行庫開始改善,來引導民營銀行跟進;可惜這陣時間來到 2010 年,情況佮 4 冬前相比,會當講是完全仝款,真正予人失望。

好佳哉現此時電腦的速度愈來愈緊,已經會使佇 Mac OS X 佮 Linux 內底開虛擬機器 (Virtual Machine) 執行 Windows 系統佮 Internet Explorer 瀏覽器。雖然嘛是解決問題的方式,毋過用戶愛另外攢一筆錢來購買 Windows 系統,等於是變相懲罰非 Windows 用戶的「微軟稅」。毋知影啥物時陣才使完全脫離 Windows 的「魔掌」,毋知影是「無奈」抑是「感慨」?總講一句:台灣的網路金融服務,真正是需要閣再加油啦!

2010年10月23日

Fedora 14 推出吉日進入倒算

隨著預定的推出日期 (2010/11/02) 愈來愈近,全新的 Fedora 14 實在真予人期待矣。

佮較早的版本仝款,Fedora 14 新版系統當然有引進真濟新功能。其中老刀感覺其中上讚的新功能有:

  • 系統核心 (kernel) 版本 2.6.35。
  • man-db:取代 man 變做 Fedora 14 的輔助說明介面。
  • KDE 4.5。
  • MeeGo Netbook UX 1.0:特別適合佇小筆電佮行動上網裝置 (Mobile Internet Devices, MID) 的系統架構佮使用者環境。
  • gnome-applet-remmina:客端遠端桌面工具,支援 RDP, VNC, NX, XDMCP 佮 SSH。
  • gnome-gmail:gnome 桌面佮 Gmail 終於結合矣。
  • eekboard:全新的虛擬鍵盤介面。
  • ibus-handwrite:iBus 這馬已經支援手寫漢字輸入矣。
  • systemd:新的系統階段管理工具 (session manager),取代 upstart。
  • OpenSCAP:支援 SCAP (Security Content Automation Protocol) 協定。
  • 支援 D 程式語言,這是 C 佮 C++ 程式語言的進化版(Fedora 14 提供 LLVM D 語言編譯器佮函式庫)。
  • gcc 4.5 編譯器。
  • NetBeans IDE 6.9 Java 軟體開發環境。

想欲進一步瞭解關於 Fedora 14 的新功能,請參考怹的釋出公告

2010年10月20日

行列輸入法的新發展

誠久無來報告關於行列輸入法的新發展矣。老刀最近這幾天共行列科技公司廖明德通幾若張批信,其中廖先生共老刀透露伊有拍算重新製作行列數字鍵對照表的計畫。意思就是講,利用 0~9 這 10 个數字鍵(親像 PC 鍵盤正手爿數字的部分、標準手機鍵盤等)以行列輸入法拍字,將變做是可能的代誌。老刀當然正面肯定這件代誌繼續發展落去,而且已經準備欲製作予 OpenVanilla 佮 gcin 專用的行列數字輸入法的 .cin 輸入法鍵碼表格矣。另外,批信內底嘛提著現此時佇 Android 智慧手機系統頂懸,利用行列輸入法拍入漢字的方法。

下跤是老刀今日寫予廖先生的批信內容:

廖先生:

前信您提到關於在 Android 手機使用行列輸入法的事情, 正好我所用手機是使用 Android 的 HTC Desire,而且目前已經有善心人士製作了蠻棒的「行列注音輸入法」(請參考 Mobile01 這一篇討論),使得在 Android 手機上面得以使用接近於實體鍵盤的打字速度。如果您也有 Android 手機,我極推薦您使用這個。

在「行列注音輸入法」尚未推出之前,我是透過 LIME 輸入法環境(LIME 採類似 OpenVanillagcin 的作法,是允許使用者自行外掛 .cin 鍵碼表的輸入法環境)再掛入行列30數字輸入法 (array30num) 的方式達成。array30num 只取行列輸入法的數字部分,舉例而言,3^, 3-, 3v 全部以數字鍵 3 表示,所以「行」字取「9113」、「列」字取「173」,雖然重覆字增加了,但搭配 LIME 內建詞庫的輔助,使用上也算方便。

欣聞您打算釋出行列數字的鍵碼對照表,我非常樂見此事發展。至少在 PC 上面可以完全使用數字輸入文字,而且也大大增加將行列輸入法植入各家手機系統的可行性(如 iPhone 的 iOS、Nokia 的 Symbian 和成千上萬的 Java 手機系統等)。同樣地,我也樂意將它改寫成 OpenVanilla 和 gcin 可用的 .cin 表格,讓有興趣的朋友們多一道選擇。

老刀  敬上

2010年10月11日

Mac OS X 10.6 Mail 收發電子批信的故障診斷

對網際網路無蓋熟似,而且拄開始改換使用 Mac OS X 作業系統的生手來講,想欲設定 Mail 來收發電子批信,可能是一場惡夢矣。

好佳哉蘋果佇 Mail 內底提供了「連線診斷」的功能(佇「視窗」->「連線診斷」內底),透過「青燈」佮「紅燈」,就會當幫助使用者揣出可能發生問題的設定所在。想欲知詳情,請參蘋果公司頂禮拜推出的這篇技術支援文件

2010年10月5日

Magic Trackpad 開箱大典

頂禮拜蘋果台灣分公司開放佇線上商店網站販賣 Magic Trackpad 了後,老刀當然愛把握這个機會拍落訂單(佇 9/30 暗時 11:30),蘋果亞洲公司透過協力國際快遞公司 TNT,佇 10/4 中晝已經共 Magic Trackpad 現貨對新加坡送來老刀手頭。扣掉 10/2~10/3 拜六佮禮拜日貨運公司歇假,等於干焦 3 个工作天就收著貨,佮網站所講的「7 个工作天」相比,應該愛共怹比大頭拇。

包裝內底有:Magic Trackpad 本體、包括正體漢文在內的「快速入門」國際版、保固書、藍芽管理證書。就當老刀想講欲準備 3 號電池鬥入 Magic Trackpad 的時間,發見蘋果公司佇出廠的時陣,就已經預裝 2 粒永備鹼性電池(請參考下跤這張相片),所以一開箱就隨會當使用,真正是貼心。廢話減講,紲落來老刀就以身邊的 iMac,來共逐家報告試用過程吧。

拍開 iMac 的藍芽功能、並且揤 Magic Trackpad 電源,iMac 連鞭就會當掠著 Magic Trackpad(現出 "Apple Wireless Trackpad")【毋知影這敢是蘋果公司佇 Magic Trackpad 猶未上市時陣的內部號名?】,並且自動完成配對。紲落來利用 Mac OS X 10.6.4 的「軟體更新」共 Magic Trackpad 和多點觸控式軌跡板更新 1.0 掠轉來鬥入系統,重新開機了後,「系統偏好設定」內底會增加一个「觸控式軌跡板」項目。無毋著,這个所在就是提供你自訂 Magic Trackpad 功能的所在。

佇這个「觸控式軌跡板」系統偏好設定內底,蘋果公司提供予使用者自訂「單指」、「雙指」、「三指」佮「四指」手勢的功能,配合怹提供真清楚的解說影片,使用起來,一點仔攏無困難矣。 有這个功能強大的 Magic Trackpad 了後,歹用的 Apple Mouse 滑鼠就是加出來的「廢物」矣;當然是愛共這隻「鳥鼠」拆掉,節省寶貴的桌頂空間啊。

老刀當然並無共使用 Windows 的朋友放袂記,嘛仝款佇 Windows XP SP3 下跤佮 Magic Trackpad 配對使用(想欲瞭解老刀是按怎佇 Windows PC 下跤配對使用的朋友,會當參考我進前這篇文章)。毋過真可惜,雖然 Magic Trackpad 佇電腦鬥入驅動程式了後嘛是會當使用,毋過因為蘋果並無提供親像 Mac OS X 下跤彼款方便的自訂工具,所以 Magic Trackpad 等於只是一隻普通的滑鼠爾爾,真正是無彩這个好物。

這擺老刀所翕的開箱相片,抱括佇 Mac OS X 10.6.4 佮 Windows XP SP3 使用 Magic Trackpad 的螢幕畫面,攏已經囥踮我的 flickr 相簿內底,歡迎逐家來去參觀。

2010年9月27日

Mac Pro 的 ATI Radeon X1900 XT 顯示卡嘛出包矣

根據蘋果公司 9/24 公布的這篇技術支援文件,對 2006 年 8 月開始到 2008 年 1 月中間出廠、採用 ATI Radeon X1900 XT 顯示卡的 Mac Pro 電腦,若是拄著畫面歪膏揤斜的時陣,可能就適用蘋果公司的延長保固方案。這擺受著影響的顯示卡,序號上尾 4 个號碼帶有 "V6Z”(請參考下跤的圖),你的 Mac Pro 若是採用這款顯示卡,但是並無出現畫面歪斜,就暫時無免換顯示卡。

TS3420-ati_graphics--001-mul

受著影響的顯示卡,序號上尾 4 个帶有 “V6Z”【圖片來源:蘋果公司網站

你的 Mac Pro 顯示卡若是「中獎」,請共顯示卡剝落來(毋知影怎樣剝顯示卡的朋友,請參考這篇說明),提去蘋果公司的授權維修服務商免費更換一片新顯示卡。這个延長保固計畫的有效期間是對「Mac Pro 購買日期的三冬內」抑是「到 2011 年 1 月 31 日為止」,以保固時間上久的計算方式為準。

2010年9月22日

予 Android 手機專用的「行列注音輸入法 1.0 版」使用心得

真濟人知影老刀是行列輸入法的愛用者。老刀迎接 HTC Desire 入門到今已經超過 4 個月,雖然伊的 Android 2.2 系統誠好用,但可惜一直揣無實用的行列輸入法環境(老刀家己是使用 LIME 3.0.9 掛入 LIME 行列 30 數字版拍漢字,算做是「半个」行列輸入法),雖然 LIME 作者答應欲佇未來的版本正式支援行列輸入法,毋過現此時想欲佇 Android 手機使用行列輸入法拍字,總感覺有淡薄仔遺憾。

今仔日網友 cwy01 佇 Mobile01 網站宣布講:伊已經開發出予 Android 手機專用的「行列注音輸入法」(請參考這篇介紹專文),看來一寡行列輸入法的愛用者已經咧「自力救濟」開發 Android 手機專用的行列輸入法環境,對所有行列用戶來講,當然是真讚的消息。這擺老刀就閣再親身試看覓,提供第一手的使用心得報予逐家知影。

行列注音輸入法就親像伊的名仝款,就是提供「行列」佮「注音」2 種輸入法表格的 Android 輸入環境。只要你佇 Android Market 頂頭拍「行列注音」做關鍵字,就會當揣著安裝程式;紲落來只要按照 Mobile01 網站的介紹專文,應該就會當瞭解伊的操作方式。這套軟體提供的行列輸入法介面已經接近規格書所寫的標準,提供了「行列標準鍵盤」佮「行列簡易」2 款螢幕鍵盤。毋但按呢爾爾,嘛收錄新酷音輸入法詞庫的簡化版;利用這个內建詞庫,會當予逐家減少拍字的時間。另外,行列輸入法「w+數字鍵」輕鬆拍入標點符號的功能,佇行列注音輸入法嘛保留落來(揤牢「空白鍵」2 秒),真正是袂歹用。

毋過現此時的行列注音輸入法 1.0 版猶有一寡缺點:

  1. 英文鍵盤毋是主流的 QWERTY 型式,佮大部分朋友來講,有適應上的困難。【9/23 補充:1.1 版已經提供支援 QWERTY 鍵盤】
  2. 而行列簡易鍵盤的數字鍵,並毋採用標準電話數字鍵的型體。若是改用標準電話鍵盤排列,應該可使增進拍入漢字的效率。【9/23 補充:1.1 版已經採用標準電話數字鍵的型體】
  3. 行列注音輸入法提供的行列輸入法 array30.cin 版本是舊版(只支援 big-5 範圍)。若會當改用支援 Unicode 2.0 字集(如「堃」即屬於此範圍)的鍵碼表,實用性一定會大大增加。舊版鍵碼表佇拍入標點符號的功能頂懸,漏列了一寡符號(親像①②③……等),因為行列注音輸入法使用了舊版鍵碼表,所以嘛是有漏列符號的問題。【10/11 補充:現此時的 1.4 版已經支援到 unicode 3.0 範圍,漏列的符號嘛已經補足】

雖然如此,至少行列注音輸入法提供了實用行列輸入法環境,而且作者嘛已經答應欲改進老刀頂懸所講的問題,後一版的行列注音輸入法,真正是予人期待矣。

老刀祝福逐家中秋節快樂!

一年一度的「全民烘肉節」又閣來矣。老刀佇遮祝福逐家烘肉、月餅配柚仔食飽飽食適量就好;食傷多有損健康喔】,中秋賞金領甲飽!

老刀因為這幾天無閒共手頭的數百片搖滾音樂 CD 專輯,利用 iTunes 10 數位化建檔的關係,消失了幾若工。暫時無法度提供資訊新聞報予逐家知影,若有不週的所在,敬請原諒。

2010年9月8日

對「𨑨迌」2 字,閣再論 Safari 對 Unicode 漢字的支援

iTune 10 vs. Safari 5.0
蘋果公司昨昏推出 Safari 5.0.2 for Mac/Windows 新版。老刀進前捌特別針對 Safari for Windows 佮 Unicode 漢字的支援做過幾若擺試驗,這擺 5.0.2 新版推出,當然愛閣再來試驗一擺。毋過真可惜,結果嘛是仝款予人失望。以「𨑨迌」這 2 个字來講,其中「𨑨」這字(屬於 Unicode 3.1 範圍)佇 Safari 5.0.2 for Windows 內底,無論是佇正手爿頂面的 Google 搜尋抑是佇網頁內底,攏總變做四角箍仔(佮較早的版本相仝),真是一點仔都無進步。

毋過真奇怪,佇蘋果公司無偌久進前推出的 iTunes 10 for Windows 頂懸,「𨑨迌」2 字顛倒是正確現出。敢講 iTunes 10 佮 Safari 5.0.2 是用無仝款的 API 所開發?仝間公司的軟體會按呢做,真正是予人厚疑猜矣。

你若有興趣想欲複習老刀較早所做的試驗,歡迎來參考下跤這幾篇報導:

2010年9月6日

NVIDIA 推出予筆記型電腦專用的 GeForce 400M 系列圖形處理器

NVIDIA 頂禮拜五佇德國柏林發表上新的圖形處理器 GeForce 400M 系列。這个專門予筆記型電腦專用的系列,包括中階的 GeForce GT 445M, 435M, 425M, 420M 佮 415M,猶閣有高階的 GeForce GTX 470M 佮 460M。

佮桌頂電腦用的 GeForce 400 系列圖形處理器仝款,400M 系列嘛是採用 Fermi 核心,支援 DirectX 11。根據 NVIDIA 的講法,400M 系列會當提供使用者增強的網頁瀏覽、耍 game,以及觀賞藍光影片等;包括提供高畫質 (HD) 影片傳去 Facebook 緊 5 倍的速度,嘛提供上緊到 10 倍超高速度予你耍 StarCraft II(星海爭覇2)。

根據 NVIDIA 官方部落格的報導,包括宏碁 (Acer)、華碩 (Asus)、三星 (Samsung)、聯想 (Lenovo) 在內的協力廠商,嘛已經仝步推出採用新款 400M 系列圖型處理器的筆電【老刀按:來臆看覓,後一代的蘋果 MacBook 佮 MacBook Pro 敢會採用 400M?】。想欲進一步瞭解關於 400M 系列圖形處理器的性能佮規格,歡迎來去 NVIDIA 的產品網頁

2010年9月4日

gcin for Windows 提供 64 位元 beta 試用版

老刀佇 Windows 下跤誠愛用的漢字輸入法環境 gcin,昨暗終於推出 64 位元 beta 試用版,對有咧使用 64 位元版本 Windows Vista 佮 Windows 7 的朋友來講,應該是天大的好消息;另外,因為 Windows Vista 佮 Windows 7 系統提供的「大易」佮「行列」輸入法介面頂頭一直有問題無解決,所以對這 2 種輸入法的用戶來講,gcin for Windows 64 位元版的推出,嘛是解決怹問題的終極解答。

gcin for Windows(32/64 位元)會當來遮掠,鬥入 64 位元 Windows 專用的 gcin 的步數是:

  1. 先鬥 gcin-inst.exe,這是包括 32 位元輸入法主程式在內的 gcin 輸入法環境安裝程式。
  2. 鬥入 gcin-ime64.exe,共頂懸 32 位元版輸入法主程式,替換做 64 位元版輸入法主程式。

若對使用 gcin for Windows 有任何建議抑是回報問題,歡迎來去 gcin for Windows 官方討論版

【註:老刀是 gcin 行列輸入法表格的製作者,若是對行列輸入法部分若有任何問題,嘛歡迎直接佮我討論喔!】

2010年9月2日

蘋果公司的 9/1 產品發表會實況錄影

蘋果公司一如預料,佇 9/1 召開的發表會中發表了新的 iPod 系列,包括 iPod TouchiPod nanoiPod shuffle,加上 Apple TV。作業系統 iOS 4.1 (予 iPhone 佮 iPod Touch 專用)、iOS 4.2(iPad 專用),佮 iTunes 10。蘋果公司已經共這擺產品發表會錄影囥佇 Apple Events 網頁。有興趣的朋友,歡迎來去觀賞。

2010年9月1日

Adobe 正式推出 Lightroom 3.2、DNG Converter 6.2 佮 Camera Raw 6.2 更新

就佇 Adobe Labs 網站釋出 Lightroom 3.2 RC、DNG Converter 6.2 RC 佮 Photoshop Camera Raw 6.2 RC 的 3 禮拜後(請參考老刀進前這篇報導),Adobe 終於正式推出予 Windows 佮 Mac OS X 平台使用的 Lightroom 3.2、DNG Converter 6.2 佮 Camera Raw 6.2 更新程式。有需要的朋友,歡迎來去 Adobe 公司下載網頁掠轉來鬥。

2010年8月31日

ATI-AMD 推出顯示卡驅動程式 Catalyst 10.8 更新

AMD 頂禮拜已經推出新版驅動程式 Catalyst 10.8 for Windows/Linux 更新檔,老刀建議有咧使用 ATI Radeon HD 系列顯示卡的朋友掠落來更新

Catalyst 10.8 for Windows 新增加的功能有:

  • 支援 OpenGL ES 2.0:佇瀏覽支援 OpenGL ES 2.0 規格網頁的時陣,會當充分利用著 3D 顯示加速的快感。
  • 新的視訊品質預設選項(佇「圖形設定」內底的「影像」內底,選「所有設定」)。
  • 佇 Quad ATI CrossFireX 下跤,ATI Eyefinity 的效能會得著真大進步。
  • 佇咧耍 StarCraft II(星海爭覇2)的時陣,已經會當使用反鋸齒 (anti-aliasing) 的功能。

Catalyst 10.8 for Linux 新增加的功能有:

  • 支援 SUSE Linux Enterprise Desktop (SLED)/SUSE Linux Enterprise Server (SLES) 第 11 版的 SP1 更新。

Catalyst 10.8 for Windows/Linux 除了頂懸的新功能以外,一寡已經佇舊版發見著的問題嘛已經修正。想欲閣較了解關於 Catalyst 10.8 的消息,歡迎參考 ATI-AMD 的版本公告:

2010年8月30日

予 HTC Desire 專用的 Android 2.2 系統更新檔:有好有歹

Android 2.2 Update for HTC Desire

HTC 有了頂擺 Hero 手機系統升級的歹經驗,這擺推出予 HTC Desire 專用的 Android 2.2 (Froyo) 系統更新就誠細膩矣。雖然這个更新佇頂禮拜五就已經推出,毋過一來老刀禮拜六、禮拜日攏總無閒,二來予「Mobile01 白鼠黨」先試鬥一下看反映按怎,應該是較安全的作法。好佳哉 Mobile01 白鼠黨的反映親像袂䆀【註:敢若嘛有一寡人佇升級系統了後拄著問題】,所以今暗老刀就決定親身來做升級實驗矣。

老刀的 HTC Desire 這幾工佇 Android 2.1 系統下跤,不時跳出正手爿這个提醒做系統升級的畫面,揤「確定」了後就自動進行系統(韌體)升級,經過差不多 5 分鐘(韌體更新中央,有經過幾擺關機閣再自動重開)就完成矣。

Android 2.2 版主要的新功能有:

  1. 應用軟體佮 JavaScript 執行的速度較順、較緊。
  2. 共應用軟體徙去 SD 卡。
  3. 開放 3G 無線網路(熱點)佮電腦共用。
  4. 支援漢字語音輸入(用喙講就會當出字,需要無線網路連去 Google 伺服器)。
  5. HTC 新提供「手電筒」工具,利用翕相機的閃光燈變做是手電,猶有 3 段光度控制。

另外老刀嘛發見更新成功了後,系統所占的記憶體空間有較省。雖然如此,我嘛有發見一个缺點:手寫輸入敢若支援 big-5 範圍的佮一部分 unicode 2.0 的漢字爾爾(親像「堃」就寫袂出來;原本佇舊系統有支援 CJK Ext-B 範圍的數萬字 Unicode 3.1 漢字集),凡勢是因為 HTC 共這幾萬个漢字的筆劃紀錄擲挕掉,所以有法度空出來遮爾濟記憶體空間吧【老刀註:這點真正是大大退步,甚至比 iPhone 的手寫輸入閣較慘】;好佳哉會使利用 LIME 輸入法解決一部分問題。

下跤這段影片,是 Google 官方對 Android 2.2 系統的介紹:

2010年8月22日

MacBook Pro:按怎提出(抑是鬥入)記憶體

蘋果公司佇上新一批更新的技術支援文件內底,這篇技術文件增加了 2010 年的上新機種說明。範圍包括 2008-2010 年各種型體的 MacBook Pro 拆殼提出(抑是鬥入)記憶體的步數。對真濟朋友來講,應該有參考的價值。所以佇遮引出來,提供逐家參考。

老刀補充一點:關於蘋果佇這篇文件內底所寫「官方講法」的記憶體容量規格,其實袂當代表彼款 MacBook Pro 上大支援的記憶體容量。老刀建議你入去 OWC 的 MacBook/MacBook Pro 記憶體專頁(雖然並無一定愛共怹訂購記憶體),但是入去遐查著的記憶體容量規格,應該就是你 MacBook Pro 的真正「肚量」矣。

2010年8月21日

關於 Mac OS X 的 64 位元核心上定定問著的問題 (FAQ)

蘋果公司上新一批推出的技術支援文章內底,這篇的技術支援文件提供了真濟人想欲知影關於 64 位元系統核心的問題解答。包括了:

  • 我欲按怎知影當咧執行 64 位元系統核心?
  • 執行 64 位元系統核心,對定定使用的應用軟體有啥物影響?
  • 按怎佇 32 位元核心佮 64 位元核心之間切來切去?
  • 按怎揣出佗一个系統延伸程式 (extension) 是 32 位元?【老刀註:延伸程式佇大部分的場合內底,就是驅動程式】
  • 佗幾款蘋果電腦產品本底就使用 64 位元核心?

2010年8月18日

Mac Pro & Mac mini 快速入門:Mac 新手指南

今仔日蘋果公司更新了這篇 Mac Pro 佮 Mac mini 專用的技術支援文件。對進前趁蘋果台灣分公司購物網站標毋著價數、搶著 Mac mini Server 的新手來講,這篇入門文章應該會當替怹解決大部分的問題。

補充一下:想欲複習蘋果官方 iMac 專用的技術支援文件,點這篇 iMac 快速入門:iMac 新使用者指南就著矣(雖然版本有淡薄仔舊)。

2010年8月17日

OpenVanilla 0.9.1 for Mac 推出

包括老刀在內,真濟人愛用的輸入法工具 OpenVanilla 已經推出 0.9.1 版,這个新版有下跤 2 種版本:
  • Mac OS X 10.5 (Leopard)/10.6 (Snow Leopard)
  • Mac OS X 10.4 (Tiger)
這个 OpenVanilla 新版除了(終於)提供漢文介面以外,根據計畫主持人 lukhnos 的說明,嘛修正下跤 2 个所在:
  1. 佇 Mac OS X Snow Leopard 頂懸,螢幕保護程式要求輸入密碼的時陣,輸入法並無正確切換去英數字模式的問題。
  2. 佇 PowerPC 機器頂懸,無法度使用 generic 模組的問題。 
想欲掠轉來鬥,請揤這个所在

2010年8月16日

QuickTime 7.6.7 for Windows 更新

蘋果公司頂禮拜五推出予 Windows XP/Vista/7 專用的 QuickTime 7.6.7 更新,主要是修正佇咧放送影片的時陣,可能會發生程式結束抑是無正常執行程式碼的安全性更新(請參考這篇說明)。

老刀建議有咧使用 Windows 的朋友,趕緊揤頂懸的連結掠安裝程式轉來鬥吧。

2010年8月14日

蘋果牌三號充電電池,其實就是三洋 Enerloop?

baterie 蘋果公司頂個月底推出附佮 6 粒三號充電電池的 Apple Battery Charger 了後,引起全世界真濟人的興趣。因為蘋果公司家己並無生產電池,到底電池是啥人代工,真是予人真厚疑猜矣。

捷克網站 SuperApple.cz 針對這个問題做了試驗【老刀註:若看無捷克文,會使參考 Google 的英文翻譯】。怹共包裝內底的 6 粒電池其中 4 粒提出來做充/放電試驗的結果(包括電壓-放電時間(請參考正手爿的圖)、工作電壓、總電量、電池內阻等),發見佮日本三洋牌 Enerloop 電池(產品番號 HR-3UTG)十分相近,差不多會當講是仝一款電池。毋過怹犧牲 1 粒電池共伊拆開觀視,並無發見任何廠商的標誌。

SuperApple.cz 嘛公布了怹共 Apple Battery Charger 佮蘋果牌電池拆開過程所翕的相片,雖然相片真濟,但是嘛誠精彩矣。有興趣的朋友,會使去遐參考看覓

2010年8月11日

微軟公司推出一寡 Mac 系列軟體的更新

微軟公司今仔日推出一寡 Mac 系列軟體的更新檔,包括:

根據微軟公司的說明,主要是針對安全性的問題做更新。有需要的朋友,請家己點頂懸的連結去掠轉來鬥吧。

2010年8月10日

Adobe Lightroom 3.2 佮 Photoshop Camera Raw 6.2 已經咧欲完成

Adobe 今仔日佇 Adobe Labs 網站正式釋出 Lightroom 3.2 RCPhotoshop Camera Raw 6.2 RC,提供逐家免費試用。除了 Lightroom 3.2 新增加共相片直接傳入去 Facebook 的功能以外,Lightroom 3.2 RC 佮 Camera Raw 6.2 RC【老刀註:包括予 Photoshop CS5 專用的外掛程式 (plug-in) 佮 DNG Converter】攏有新增加支援一寡翕相機(包括最近上時行的 Sony Alpha NEX-3/NEX-5),並且嘛更新鏡頭資料庫。按照軟體界的慣例,RC (Release Candidate) 是正式版本推出進前的最後一个試用版;所以嘛代表正式版的軟體,應該無偌久就會推出矣。

Lightroom 3.2 佮 Camera Raw 6.2 有提供 Windows 佮 Mac OS X 平台的版本。想欲試用的朋友,請點頂頭的連結入去掠來鬥吧。

2010年8月9日

免錢的虛擬機器軟體 VirtualBox 3.2.8 推出

Oracle 頂禮拜五推出免錢的虛擬機器 (Virtual Machine, VM) 軟體 VirtualBox 3.2.8 版。這个版本主要是修正舊版的程式錯誤,親像虛擬記憶體管理、圖形介面、USB 等。想欲進一步知影新版修正了啥物所在,請參考怹的改版紀錄

VirtualBox 有提供 Windows、Mac OS X、Linux、Solaris/Open Solaris 平台的版本,歡迎逐家入去 VirtualBox 的下載網頁掠轉來鬥

2010年8月4日

Magic Trackpad for Windows Boot Camp 驅動程式已經予人破解!

蘋果公司頂禮拜發表新款的指標輸入裝置 Magic Trackpad 雖然是針對 Mac 用戶設計,而且蘋果公司嘛特別推出予 Boot Camp 環境專用的 Windows 32/64 位元驅動程式,毋過真可惜,看怹並無拍算欲支援其他非蘋果牌的 Windows PC 電腦。

好消息佇遮:米國 UNEASYsilence 公司已經對 Windows Boot Camp 版本的 Magic Trackpad 驅動程式升級檔內底,共其中驅動程式的部分分離出來,單獨囥佇怹公司的網站予逐家掠。所以咧,一般的 Windows PC 鬥入這份驅動程式了後,嘛會當使用 Magic Trackpad 矣。

所以,老刀真正會使等 Magic Trackpad 一引進台灣,就捾一台轉來用。到時陣敬請期待我的實用心得喔。

2010年8月2日

JailbreakMe 2.0:隨時破解/復原你的 iPhone

有 iPhone 的朋友應該攏真歡迎這款破解工具。JailbreakMe 2.0 的用途,就是予你不管時攏會使破解(抑是復原)你的 iPhone 韌體(只要你徙一支手指頭仔就好,真正有夠簡單)。唯一的要求是:毋通共 iOS 版本號碼升級超過 4.0.1 版,這是現此時 JailbreakMe 2.0 支援的上新 iOS 版本。

想欲試看覓嗎?請用你的 iPhone 連去 JailbreakMe 網站吧,祝你成功喔!【老刀按:我只是報這个入口予你,毋通問我欲按怎用 JailbreakMe,因為我家己是用 HTC Desire 啦,哈哈】

2010年8月1日

iTuber:專門掠 YouTube 影片的工具軟體

最近老刀收著來自德國 Xnet Communications GmbH 公司(也就是出品 Captain FTP 的公司)通知,來試用怹上新的產品 iTuber(1.2 版),結果是真正滿意,所以特別共逐家介紹一下。

iTuber 的功能,就是予你共影片傳去佇 YouTube,嘛會當共 YouTube 影片掠轉來,以 .mp4 視訊格式囥佇你的 Mac 電腦內底(抑者是用 .mp3 音訊格式,掠影片內底的聲音部分)。

使用 iTuber 的方式嘛真簡單,就親像 Mac OS X Finder 的方式:「拖」字訣。請參考下跤這 4 段官站提供的影片就會當了解:


傳去佇 YouTube


對 YouTube 掠視訊影片轉來


對 YouTube 掠影片內底的音訊部分


iTuber 嘛支援蘋果牌遙控器

根據老刀這幾工的試驗,除了少數有版權保護的影片以外,差不多 90% 的 YouTube 影片攏會使利用 iTuber 掠落來。你若想欲佇 YouTube 頂頭掠影片抑者是聲音轉來保存,iTuber 應該是真方便的工具。

iTuber 是定價 20 箍米金(16 箍歐元)的共享軟體,原廠提供 30 工的全功能試用;想欲試用 iTuber,你需要 Mac OS X 10.5 (Leopard) 以上的系統。

2010年7月29日

蘋果釋出 Magic Trackpad 更新 1.0

拄推出 Magic Trackpad【老刀按:我應該會買一台】猶袂滿 48 點鐘,蘋果公司就釋出 Magic Trackpad 的更新程式:
Windows 版(32/64 位元)按照蘋果官方的說明,是予 Boot Camp 專用的;毋知影佇 Windows PC 下跤敢會使用?請已經買著 Magic Trackpad 的朋友來試看覓吧。

2010年7月27日

蘋果公司發表一大堆新產品

因為新產品實在傷濟,請逐家直接去蘋果台灣分公司的網頁去參觀:【老刀按:你無看毋著,蘋果台灣分公司這擺仝步推出漢文網頁,真正是破紀錄的緊!】
Mac Pro 佮 iMac 硬體規格雖然袂䆀,但是猶原無支援 USB 3.0,實在予人有淡薄仔失望矣。
最後有一點一定要特別寫出來:蘋果幾若冬來新發表的產品,已經誠久無予我一看著就想欲買的衝碰矣,Magic Trackpad 應該有這種「予我衝碰」的實力,到時陣就看我拚一隻來用看覓吧!

2010年7月24日

教育部99年度臺灣閩南語語言能力認證考試,開放第二階段報名,8/4截止

教育部99年度臺灣閩南語語言能力認證考試第一階段報名(專門提供予98學年度國民中小學現職編制內教師及98學年度臺灣閩南語教學支援工作人員)已經佇 7/21 結束,現此時已經開放第二階段報名(對 7/22 到 8/4 為止),而且第二階段無限定報名資格,有興趣的民眾,攏總會使報名參加

下跤是教育部的新聞稿

教育部今年首次辦理「臺灣閩南語語言能力認證考試」,第1階段報名已於7月21日截止,將開放第2階段報名,自7月22日上午9時起至8月4日下午5時止,不限資格全民皆可報考,兩階段名額依網路報名順序合計6,500名,敬請把握。

教育部表示,第1階段報名開放給 98 學年度國民中小學現職編制內教師及98學年度臺灣閩南語教學支援工作人員報考,藉由認證考試達到提升教師臺灣閩南語語言能力之專業與素養。教育部特別鼓勵現職教師與教學支援人員取得中高級證明,擁有比別人多一張臺灣閩南語語言能力證照,展現職場競爭力。

第 2 階段報名則為鼓勵大眾瞭解臺灣閩南語文化,不限年齡、性別、族群、職業皆可報考。在考試準備過程中能讓民眾瞭解自身臺灣閩南語語言程度,進一步探究臺灣閩南語文化,並喚起對本土語言的重視,期望將語言和文化代代傳承下去。教師或教學支援人員尚未報名者也可加快腳步上網報名。

本認證考試之拼音用字為臺灣閩南語羅馬字拼音方案與教育部臺灣閩南語常用詞辭典,故建議民眾報考前先參考試題說明與題本範例,詳細資訊可至考試網站查詢(http://tmt.sce.ntnu.edu.tw/99tmt/)。考試洽詢專線02-2321-0191

2010年7月17日

教育部99年度臺灣閩南語語言能力認證考試,第一階段7/21截止報名

想欲知影你閩南語的程度到啥物程度嗎?教育部按照全民英檢聽、講、讀、寫的測驗方式,開辦了臺灣閩南語能力認證。下跤是教育部的新聞稿

你知道海豚的臺灣閩南語唸法為「海豬 (hái-ti/hái-tu)」嗎?你能用臺灣閩南語說出五隻手指頭的名稱嗎?現在的小學生比許多成年人厲害!從日常生活用語到俗諺都能琅琅上口,這樣的成果要歸功於國民中小學的本土語言教育,不但能讓小朋友瞭解文化,也能與家中長輩流暢溝通。

相較其他語言,使用臺灣閩南語的人口在國內屬於相對多數的族群,然而隨著社會文化的發展,年輕一輩的臺灣閩南語能力已逐漸下降,其用詞用字也都受到華語的影響而出現直接借用的情形,因此教育部為了提升國人對臺灣閩南語的使用能力,從語言教育扎根著手,自90學年度開始,國民中小學實施九年一貫課程,並將本土語言列為正式課程,國小每週至少1小時,學生可自行選修臺灣閩南語、客語、原住民族語等本土語言課程。

為了提昇臺灣閩南語本土語言課程之教學品質與師資專業素養,教育部於今年首次辦理臺灣閩南語語言能力認證考試,開放給98學年度國民中小學現職編制內教師及98學年度臺灣閩南語教學支援工作人員報考,現正報名中,將於7月21日下午五時報名截止,歡迎符合報考資格者把握機會踴躍報名,共同為臺灣閩南語教學推廣傳承。99年度臺灣閩南語語言能力認證考試相關資訊可至考試資訊網站上瀏覽查詢(http://tmt.sce.ntnu.edu.tw/99tmt/)。

2010年7月11日

替你的行動裝置揀一个有夠力的車用充電器:Kensington PowerBolt Micro Car Charger (K39224US)

老刀佇 5 月拄買 HTC Desire 手機無偌久,出外利用佮佇包裝內底的 GPS 導航軟體「導航王」雖然袂䆀,毋過真可惜,原本老刀一直咧用的 1,000mA (1.0A) 車用 USB 充電器因為供電不足,紲無法度共食電真雄的 HTC 手機飼予飽。佇拍開 GPS 使用導航王的時陣,干焦對台北駛車到台中(差不多 2 點鐘半)爾爾,就已經共電放了了,想欲一路導航駛車去南部,就需要閣較有力的車用 USB 充電器才會使。

IMG_0020真正足拄好,朋友「熊老闆」佇噗浪頂懸留字,講怹頂禮拜新進一支提供 2,100mA (2.1A) 大電流輸出的車用 USB 充電器,這款好物,實在是老刀所愛的矣。所以就共熊老闆訂了這支 Kensington PowerBolt Micro Car Charger(型體番號:K39224US)。

包裝內底就親像你所看的按呢,就一个充電器、一條 iPad/iPhone/iPod 通用的 30-pin USB 纜線,加上一張保證書(提供 2 冬保固)爾爾。包裝盒仔的倒手爿,已經詳細說明 K39224US 的規格:

  • 輸入:10V-18VDC
  • 輸出:5VDC,2,100mA
  • 佮 iPad/iPhone/iPod Touch 相容(需要 iOS 3.0 以上的系統)。
IMG_0022

就親像倒手爿這張相片仝款,短短的 Kensington PowerBolt Micro Car Charger 真正是有夠小支,配上我所見過上粗的 iPad/iPhone/iPod Touch 纜線,講起來嘛是「絕配」。「金光閃閃、瑞氣千條」的鋼琴鏡面,實在毋是進前所用的 1,000mA 車用 USB 充電器會當相比。

因為老刀家己並無 iPad,嘛無 iPhone 佮 iPod Touch,但是共這條纜線接佇古董級的 iPod 4G (Click wheel),Mac OS X 仝款會自動跳出 iTunes 進行音樂仝步。既然老刀主要的目的是欲共這支 Kensington PowerBolt Micro Car Charger 囥踮車內共 HTC 手機充電,這條纜線自然就變做厝內的 iMac 專用連接線囉。

IMG_0027

共 Kensington PowerBolt Micro Car Charger 插入去車內的點薫器,寸尺拄拄好(就親像正手爿的相片),講起來嘛是美觀、大方。老刀另外準備 USB –> Micro USB 纜線共 Kensington PowerBolt Micro Car Charger 佮 HTC Desire 手機相接了後共「導航王」拍開,佇台北市內烏白踅 1 點鐘,手機的電力才損失 3% 左右。看來若對台北駛車到高雄想欲靠靠這粒 Kensinton 沿路導航,應該是無問題矣。

【2010/8/8 補充:重新換充電線(跳接線路的 USB 纜線,充電專用;袂當傳資料)了後對台北一路拍開「導航王」駛車去台中,HTC Desire 會當完全充飽!】

毋過因為 Kensington PowerBolt Micro Car Charger 寸尺實在傷過拄好,鬥入去點薫器了後若想欲共伊剝落來,就毋是簡單的代誌矣(凡勢是 Kensington 毋愛予人烏白剝的關係吧)。想欲佇車內食薫的朋友,老刀建議你另外加鬥「1 對 2」抑者是「1 對 3」的車用電源分接頭,若無,等待癮仙哥夯起來的時陣,就知影艱苦矣,哈哈。

最後,老刀共 Kensington PowerBolt Micro Car Charger 拍 4.5 的懸分(滿分 5 分),推薦予想欲踮車內共 3C 裝置充電的朋友參考一下。

2010年7月10日

蘋果公司閣再出包,這擺輪到 Time Capsule

根據蘋果公司新推出的技術支援文件,2008 年 2 月到 2008 年 6 月售出的部分 Time Capsule 可能有無法度開機,抑者是啟動後雄雄關機的問題。你若是不幸拄著,趕緊就近聯絡蘋果維修中心吧。

蘋果公司公布的資料寫著:

受影響的 Time Capsule 機型
受影響的 Time Capsule 的序號範圍如下:
XX807XXXXXX - XX814XXXXXX

如何查看 Time Capsule 上的序號

如果您的 Time Capsule 序號屬於上述範圍,而且無法開機或啟動後突然關機,則符合維修或更換的資格。

請就近聯絡 Apple 代表:

  • Apple 授權維修中心。在此尋找維修中心。
  • Apple Store 零售店。請和 Genius 預約時間(僅部分國家/地區提供此服務)。
  • Apple 聯絡中心。查詢當地電話號碼。

若 Apple 或 Apple 授權維修中心確認您的 Time Capsule 是受到影響的機型,Apple 將免費提供維修或更換服務。

2010年7月5日

Mac OS X 10.6 真正有支援 ATI-AMD Radeon HD 5000 系列顯示卡:Mac Pro 篇

根據世界級黑金塔大師 netkas 公布的資料看來,現此時的 Mac OS X 10.6.4 已經有支援 ATI-AMD Radeon HD 5000 系列顯示卡。netkas 提 5000 系列顯示卡佇 Mac Pro 頂懸試驗的結果是:

  • 5850/5870:確定有支援。
  • 5970:支援,毋過家己愛入去 ati5000controller.kext 內底加入裝置識別碼 (device id)。
  • 5770:支援,但是 2 个 DVI 攏愛接去螢幕才會使(就是「雙螢幕」模式啦)。
  • 5750:佮 5770 仝款,而且嘛愛入去 ati5000controller.kext 內底加入裝置識別碼 (device id)。

netkas 嘛貼出一寡 Redeon HD 5870/5970 顯示卡佇「系統描述」(Apple System Profiler) 下跤的畫面,有興趣的朋友會當去參考一下。

2010年7月3日

蘋果的 Mac 產品線,將欲採用 ATI-AMD Radeon 5000 系列顯示卡?

黑金塔界的名人 netkas 佇 MacRumors 的討論版頂頭,貼出新版 Mac mini (2010) 的 Mac OS X 10.6.4 磁碟映像內底,已經有附佮 ATI-AMD Radeon HD 5000 系列顯示卡的驅動程式,包括著:

  • ATI5000Controller.kext
  • ATIRadeonX3000VADriver.bundle
  • ATIFramebuffer.kext
  • ATISupport.kext
  • ATIRadeonX3000.kext
  • ATIRadeonX3000GA.plugin
  • ATIRadeonX3000GLDriver.bundle

這幾个物件,可能暗示講蘋果公司的新款電腦(親像桌頂電腦 iMac、Mac Pro,佮筆記型的 MacBook Pro)將欲採用 ATI-AMD Radeon HD 5000 系列的顯示卡,敢有影按呢,便看就知。老刀個人認為,按照蘋果公司較早的「慣例」,可能性是真大矣。

2010年6月21日

ATI-AMD 推出顯示卡驅動程式 Catalyst 10.6

ATI-AMD 推出了 6 月份的顯示卡驅動程式更新 Catalyst 10.6 for Windows/Linux。有咧使用 ATI Redeon HD 系列顯示卡的朋友,老刀建議你來去掠落來更新

Catalyst 10.6 for Windows 新增加的功能有:

  • 加速佇 Adobe Flash 10.1 內底放送 H.264 視訊的效能,並且降低系統資源用量(支援 ATI Radeon HD 5000/4000 系列、ATI Mobility HD 4000 系列佮 ATI Radeon HD 3000 系列整合性顯示卡)。
  • 降低放送低位元率視訊的「馬賽克」現象(支援 ATI Radeon HD 5000 系列顯示卡)。
  • 放送高壓縮率影片的時間,降低親像「蠓仔飛來飛去」彼款高頻噪音(支援 ATI Radeon HD 5000 系列顯示卡)。
  • 支援 OpenGL 4.0(ATI Radeon HD 5000 系列顯示卡)佮 OpenGL 3.3(ATI Radeon HD 全系列顯示卡)。
  • 性能的提升:按照你使用的顯示卡系列,佇咧耍 3D game 的時陣,會當來 3%-18% 的性能提升。

Catalyst 10.6 for Linux 新增加的功能有:

  • 新支援 RHEL 5.5 系統 (Red Hat Enterprise Linux)。
  • 支援 OpenGL 4.0(ATI Radeon HD 5000 系列顯示卡)佮 OpenGL 3.3(ATI Radeon HD 全系列顯示卡)。
  • 2D 性能改善(親像佇表現 Compiz 螢幕特效的時陣)。

想欲閣較了解關於 Catalyst 10.6 的消息,歡迎參考 ATI-AMD 的版本公告:

2010年6月20日

教育部「臺灣閩南語漢字輸入法 2.0 版」免費予你掠

佇推行華語注音誠成功的台灣,用「注音輸入法」拍字雖然嘛真方便,但因為注音符號設計的時空背景(五四運動前後針對「推行華語」所設計)佮現此時已經有真大出入,若欲用注音輸入法來拍閩南語,紲一定愛先去查逐字的華語唸法,拍字的時陣一定是足礙虐。利用教育部最近委託行易有限公司(就是開發「嘸蝦米輸入法」的公司)推出提供 Windows 佮 Linux 平台使用的「臺灣閩南語漢字輸入法 2.0 版」,應該是真讚的選擇。

下跤是教育部的新聞稿

為解決臺灣閩南語漢字書寫問題,教育部推出「臺灣閩南語漢字輸入法」供全國民眾免費下載使用。只要依臺灣閩南語羅馬字拼音方案的原則輸入拼音,就能打出相對應的臺灣閩南語漢字,詞彙皆依照教育部的標準,不必擔心打錯字。

過去使用注音輸入打字的民眾,要打臺灣閩南語漢字時,得要先把想打的字轉換成國語注音,相當不方便。有鑑於此,教育部委託「無蝦米輸入法」的研發公司「行易」,以其多年的輸入法研發經驗,為臺灣閩南語漢字量身打造一套便捷好用的輸入法。

這套輸入法的使用概念,與大家熟悉的注音輸入非常類似,只是把「國語注音」換成「臺羅拼音」。例如要打出表示玩偶的「尪仔」(讀作ang-á),輸入「ang1」可以列出「尪」,輸入「a2」可以列出「仔」,不需要透過「尪、仔」兩字的華語讀音。

此外,輸入法還提供了「詞彙輸入」的便捷功能。兩個字以上詞彙,可僅輸入聲母和韻母,省略聲調,再按空白鍵即可,例如前述的「尪仔」,可以只打「anga」加空白鍵。若為三字以上的詞,只需輸入各音節的第一個音位加上空白鍵即可,例如輸入「aaph」可出現「尪仔標」(ang-á-phiau),輸入「bik」可出現「無要緊」(bô-iàu-kín)。使用者還可以透過簡便的介面擴增詞庫,把自己的姓名、住址等常用資訊加入詞庫中。

若對臺羅拼音的掌握不夠熟稔,可以藉著輸入法提供的三個字元「0、?、*」來取代聲調及拼音字母,一樣可以找到想打的字詞。且輸入法詞庫中所使用的字,都是教育部公告的推薦用字和《臺灣閩南語常用詞辭典》用字,使用詞彙輸入時,便不需擔心選到不正確的字了。

「臺灣閩南語漢字輸入法」即日起可至教育部國語推行委員會網站或《臺灣閩南語常用詞辭典》 (http://twblg.dict.edu.tw)下載,並有詳細的安裝說明和疑難解答,歡迎各界多加利用。

教育部嘛特別替這个臺灣閩南語漢字輸入法 2.0 寫了真有參考價值的文件:

輸入法安裝程式會使佇遮掠:

2010年6月16日

Mac OS X 10.6.4 支援的翕相機 RAW 格式檔案名單

蘋果公司昨昏推出怹的作業系統 Mac OS X 10.6.4 更新(有專門予昨昏推出的新款 Mac mini (Mid 2010) 專用的 10.6.4 系統更新,佮予其他機種使用的 10.6.4 系統更新 2 種),算做是這擺五日節送予逐家的禮物。這擺的系統更新,對定定愛翕相的朋友來講嘛是一件大禮,因為系統支援 RAW 格式檔案的翕相機名單,已經包括一寡佇台灣遮誠受著歡迎的新款翕相機,親像 Canon EOS 550D、PowerShot S90、Panasonic Lumix DMC-GF1 等。

Mac OS X 10.6.4 新增加支援 RAW 格式檔案的翕相機,有下跤這幾款:

Canon EOS Rebel T2i
Canon EOS 550D
Canon EOS Kiss X4
Canon PowerShot S90
Canon sRAW
Canon mRAW
Hasselblad H3DII-50
Leica D-LUX 4
Leica M9
Leica S2
Leica X1
Olympus E-450
Olympus E-600
Olympus E-620
Olympus E-P1
Olympus E-P2
Panasonic Lumix DMC-G1
Panasonic Lumix DMC-GF1
Panasonic Lumix DMC-GH1
Panasonic Lumix DMC-LX3
Pentax K-7
Pentax K-x
Sony Alpha DSLR-A230
Sony Alpha DSLR-A330
Sony Alpha DSLR-A380
Sony Alpha DSLR-A450
Sony Alpha DSLR-A500
Sony Alpha DSLR-A550
Sony Alpha DSLR-A850

想欲知影 Mac OS X 10.6.x 支援 RAW 格式檔案全部機種翕相機的名單,請參考蘋果公司這篇技術支援文件

2010年6月13日

蘋果公司閣再一擺延長 MacBook Pro 的 nVidia GeForce 8600M GT 圖形處理器保固

舊年 (2009) 6 月蘋果公司宣布講,採用 nVidia GeForce 8600M GT 圖形處理器的 MacBook Pro 因為 nVidia 的製程出了問題,延長保固對購買日期算起 3 冬(請參考進前這篇報導)。12 個月了後,蘋果公司閣再宣布延長保固對購買日期算起 4 冬,看來猶原有一寡出問題的圖形處理器佇市面咧流通。

蘋果公司漢文網頁的原文是:

如果您 MacBook Pro 中的 NVIDIA 圖形處理器故障,或自原始購買日期後四年內故障,即使 MacBook Pro 已超出保固期,仍可以得到免費的維修。

這个網頁的漢文版猶袂更新(猶原是寫 3 冬),蘋果公司應該連鞭就會更新這个消息。【老刀按:蘋果公司已經佇 6/18 更新漢文網頁】

2010年6月10日

iOS 4 Gold Master 偷放出來矣!

根據 The Next Web 這篇報導,已經有人偷偷仔共新一代的 iPhone 系統 iOS 4 (Gold Master) 偷放出來矣。利用鬥入 iTunes 9.2 的 Mac 電腦,就會當共 iOS 4 鬥入去 iPhone 3G/3GS 內底。

老刀共鬥入 iOS 4 的步數寫踮下跤:
1. 鬥入 iTunes 9.2 beta(連結 1連結 2連結 3
2. 按照你使用的機仔型體,來掠 iOS 4,千萬毋通掠毋著喔:
3. 鬥入 iOS 4:
  • 共 iPhone 3G/3GS 抑是 iPod Touch 佮 Mac 相接,拍開 iTunes。
  • 佇 iTines 內底,做伙揤 option 佮「回復」,選擇你所掠轉來的 IPSW 檔案。
  • 等待 10~15 分鐘,予新版系統鬥入你的機仔。

2010年6月8日

「倒退攄」的 Safari 5 for Windows,真害!

今仔日 WWDC 2010 的重點,當然是蘋果公司推出 iPhone 4 佮手機系統 iOS 4(較早叫做 iPhone OS 4.0)矣。雖然如此,蘋果公司嘛送予所有朋友一个新版的瀏覽器:Safari 5。雖然蘋果公司講 Safari 5 是「世界上緊的瀏覽器」,可惜對我親身使用的結果經驗看來,並非如此也!

老刀頭先對 Windows XP SP3 內底叫出 Apple SoftWare Update 來鬥入 Safari 5 for Windows,鬥好了後的頭一个畫面,實在予人驚一趒矣,所以特別共伊掠出來轉貼佇下跤,來做紀念:

Safari 5 首次啟動就當機!

竟然共我當機,原因不明。而且真正離奇的代誌是:雖然 Safari 5 死翹翹,但是後壁 Top Sites 專頁的運作並無停止(繼續連上網站掠網頁畫面),真正奇怪。

Safari 5 對 Ext-B 漢字仍舊缺乏支援,完全沒長進

另外,新版 Safari 5 佮進前的 Safari 4.x/3.x 仝款,對 Ext-B 字形是完全無效(請參考頂懸的圖),「𨑨迌」屬於 Ext-B 範圍的「𨑨」字,攏總變做四角箍仔。更加奇怪的代誌是,就連 Safari 5 家己的「偏好設定」視窗內底,「拍三點」的特殊字嘛是變做四角箍仔(親像正手爿的「選擇□」):

Safari 5 偏好設定的「…」,全變成四角框!

進前 Safari 4.x/3.x 的「偏好設定」並無這款四角箍字的問題,可見這擺 Safari 5 的推出,是「食緊挵破碗,功能倒退攄」矣!

【老刀按】Safari 5 的緊,應該是表現佇 JavaScript 網頁頂頭;對使用 JavaScript 無蓋濟網頁來講,Safari 5 敢有較緊,實在嘛真歹講;而且別牌子的瀏覽器(親像 Firefox、Opera 等)處理 JavaScript 的速度嘛一直咧進步當中,其實是無差蓋大啦。

2010年6月6日

HanaMin 字型已經收錄佇 Fedora 13 官方套件內底

Fedora 13 新增/移除軟體

老刀今仔日才發見講 Fedora 13 官方已經共 HanaMin 字型收入套件內底。升級 Fedora 13 已經咧欲 2 禮拜,進前老刀猶是戇戇仔去日本花園字型官站掠 HanaMin 轉來鬥,其實佇「系統」->「管理」->「新增/移除軟體」視窗內底,就會當做相仝的代誌,真正利便(請參考頂懸的圖)。

有咧處理 Ext-C 漢字的 Fedora 13 用戶,會使來參考一下。

2010年6月5日

Fedora 13 支援 Unicode 5.2 的中日韓統一表意文字擴展 C 區 (Ext-C) 漢字!

Ext-C

對一般人來講,雖然佇電腦用 Unicode 3.1 範圍攏總 70,207 个漢字已經有夠,但是對專門研究漢字的學者來講可能猶無夠用。舊 (2009) 年 10 月公布的 Unicode 5.2 已經正式包括中日韓統一表意文字擴展 C 區 (Unicode CJK Unified Ideographs Extension C, Ext-C) 攏總 4,149 字了後,擴展 D 區佮擴展 E 區收入新漢字的計畫,這馬嘛已經咧進行當中。

Fedora 13 所附的「字元對應表」(佇「應用程式」->「附屬應用程式」內底)版本是 2.30.1,已經支援 Unicode 5.2(Fedora 12 的「字元對應表」2.28 版支援 Unicode 5.1),共支援 Ext-C 字集的 HanaMin 鬥入去 Fedora 13 了後(註:想欲瞭解關於 HanaMin 是啥貨,會使參考我較早這篇 HanaMin:完整收錄中日韓統一表意文字擴展 C 區 (Ext-C) 的字型,免錢的喔!),佇字元對應表內底就會當看著 Ext-C 的漢字。毋但按呢爾爾,你仝款會使利用「字元對應表」共 Ext-C 漢字貼入去應用軟體內底。頂懸的圖,就是老刀共屬於 Ext-C 漢字的「亻因」(Unicode 內碼 U+2A736)貼入去 OpenOffice.org Writer 3.2 的畫面。【老刀按:「亻因」念做 in,就是華語「他們」、「他的」的意思。考慮著有鬥 Ext-C 漢字字型的電腦並無普遍,本站文章用「怹」字來代替】

現此時想欲利用電腦處理漢字,按照老刀的經驗,包括 Fedora 13 在內的 Linux 系統,應該是上讚的方式;Windows 7/Vista 佮「Windows XP+新細明體更新」應該是排第 2,Mac OS X 10.6 上差

2010年5月29日

ATI-AMD 推出顯示卡驅動程式 Catalyst 10.5

ATI-AMD 佇 5/26 正式針對 Windows 佮 Linux 平台推出上新版的驅動程式 Catalyst 10.5(點遮入來掠)。新版增加的功能有:

Windows 版:

  • 佇 ATI Radeon HD 3000/4000 系列頂懸,支援 120Hz 的螢幕更新率。
  • ATI Overdrive 改善:支援的 ATI Redeon HD 圖形顯示器連接多重螢幕的時陣,會當完整支援的超頻功能。

Linux 版:

  • 支援 SLED/SLES (SuSE Linux Enterprise Desktop/Server) 11 SP1 early look。

想欲瞭解 Catalyst 10.5 閣較詳細的說明,請參考怹的版本公告:

2010年5月27日

Fedora 13:頭一手的使用報導

Fedora 13Fedora 13 已經佇台灣時間 5/25 暗時 10 點正式推出。因為發見有一寡鏡射站 (mirror site) 已經「偷走」先開放予人掠的關係,官方 10 點正式開放的時陣,其實老刀已經咧欲共 x86_64 平台的 DVD .iso 檔掠了;我共 Fedora 13 鬥好勢矣的時陣,猶袂到暗時 10 點半,跤手真緊,叫我第一名啦!
因為較早鬥入 Fedora 12 的 Pentium 4 舊電腦,現此時已經變做文書機,這擺老刀鬥入 Fedora 13 的電腦設備是:
  • 處理器:Intel Core 2 Quad (Q6600), 2.4GHz。
  • 記憶體:4 GB。
  • 顯示卡:ATI-AMD Radeon HD 5450,1GB DDR3 顯示記憶體。
  • 硬碟機:Seagate Barracuda 7200.9 160GB SATA (ST3160812AS)。
鬥入系統的過程真緊,半點鐘以內就會使鬥好勢。進入系統了後,試用一寡 Fedora 13 新加入的功能了後,下跤是老刀感覺佮前一版 (Fedora 12) 較無仝款的所在:
  1. 色緻管理:正式支援 ICC 格式的色緻管理檔案。你會使進前佇 Windows 抑是 Mac OS X 所製作的 ICC 檔案直接提出來予 Linux 使用,予螢幕、掃瞄器、印表機佮翕相機的色緻會當保持仝款。【佇「系統」->「偏好設定」-> Color Profiles】
  2. 漢字輸入法:預設提供 iBus 佮 X compose table 二个輸入法,可惜 iBus 老刀實在用袂慣勢,X compose table 是用來拍入拉丁文佮特殊符號的,並毋是漢字輸入法;老刀加灌入 gcin 來代替 iBus。【老刀按:gcin 是附佮佇 Fedora 13 的套件之一,毋過預設並袂鬥入電腦,需要使用者家己動手鬥】
  3. 漢字字型:增加「文泉驛正黑」、「文泉驛等寬正黑」、「文泉驛點陣正黑」3 个字型。
  4. 字元對應表:漢字的部分,已經會當對應中日韓表意文字擴充 A, B, C 區(也就是 Ext-A、Ext-B 佮 Ext-C 字型)。
  5. 郵件帳號設定:已經對 Evolution 分出來,單獨變做一个工具。【佇「系統」->「偏好設定」->「電子郵件設定值」。
  6. Shotwell Photo Manager:淡薄仔成蘋果公司 iPhoto 的軟體,用來處理匯入的數位相片,取代原本所用的 F-Spot。【「應用程式」->「美工繪圖」】
  7. 磁碟公用程式:這个新加入 Fedora 的工具實在有夠讚,佇 Linux 下跤管理內/外接接硬碟佮 USB 隨身碟,已經變做是真簡單的代誌。
  8. OpenOffice.org 3.2:因為鬥入 Fedora 是選擇「軟體開發」毋是預設 Graphical Desktop(圖形桌頂電腦)的關係,OpenOffice.org 佇 Fedora 13 並無共伊鬥入去,煞變做愛家己動手。無像較早的 Fedora 佇鬥好的時陣,OpenOffice.org 就己經踮系統內底等你叫伊出來用矣。
想欲知影所有的新功能,歡迎去參考 Fedora 13 的版本公告
另外,網路開講軟體佮 Fedora 12 仝款是用 Empathy(版號 2.30.1),支援 AIM/MSN/GTalk/Yahoo 視訊語音開講。毋知影頂一版檔案傳送的問題敢改好勢?另日老刀會來試看覓。

今暗暫時就報告到遮,請待紲落來的報導。

2010年5月22日

佇 VirtualBox 3.2.0 for Windows 頂懸鬥 Mac OS X 10.6 (Snow Leopard)

原本是叫做 Sun VirtualBox 的免錢虛擬機器軟體,因為 Sun Microsystems 公司去予 Oracle 規个買去,紲來改名號做 Oracle VM VirtualBox。Oracle 佇 5/18 宣布 3.2.0 更新版已經推出矣。

這擺新的 3.2.0 版,上主要的新增功能佮改進有:

  • 試驗性的支援 Mac OS X Server 客端【老刀按:「客端」就是「鬥佇虛擬機器內底的系統」】。
  • 佇 64 位元的「主端」【老刀按:「主端」就是「用來鬥 VirtualBox 的系統」,一般講來,也就是你揤電腦電源開機了後,所進入的系統】頂懸,支援動態調整記憶體的使用量(Oracle 共這个功能叫做 "memory balloning");
  • 64 位元的「主端」支援「頁面融合 (Page Fusion)」,會當共仝款性質的虛擬機器(親像數个執行 Windows XP 的虛擬機器)所占的記憶體空間合做伙,予上少的記憶體空間會當執行上濟的虛擬機器數量。
  • 佇 Linux 佮 Windows 客端,支援處理器的「熱插拔」。也就是講,你會當佇虛擬機器當咧進行的時陣增加抑是減少「虛擬處理器」的數目。
  • 佇支援 VT-x/AMD-V 的處理器佮 64 位元客端頂懸,VirtualBox 會使用大記憶體頁面,以提升虛擬機器的性能。
  • Windows 客端支援多重螢幕。
  • 3D 顯示支援 OpenGL 2.1。
  • 支援將欲推出的 Fedora 13。

想欲閣較知影 VirtualBox 3.2.0 更新的所在,請參考怹的更新紀錄

老刀想講:既然 VirtualBox 已經支援 Mac OS X Server 客端,按呢共 Mac OS X 10.6 (Snow Leopard) 鬥佇 VirtualBox 的虛擬機器內底,應該嘛是無問題。所以家己來試鬥一下,果然成功。下跤是我鬥入 Mac OS X 10.6 的畫面,來予逐家參考一下:

VirtualBox 3.2

SnowLeopard on VirtualBox

鬥入 Mac OS X 客端的過程佮一般鬥入 OSX86 的方式攏差不多,想欲進一步了解的朋友,請入來遮留字討論。

2010年5月18日

共 iPhone 佮 iPod Touch 超頻的絕招

真濟人知影 iPhone 3G 處理器的工作時脈是 600MHz、iPhone 3GS 是 833MHz,毋過蘋果公司可能是為著省電、降熱的目的,佮怹降頻到 412MHz 佮 600MHz。根據 Gadgets DNA 這篇報導,號名叫做 hackulo 駭客發表了共 iPhone 佮 iPod Touch 處理器回復原本工作時脈的步數:

  1. /System/Library/System/System Configuration/PowerManagement.bundle/ 檔案夾。
  2. 揣著號名叫做 com.apple.SystemPowerProfileDefault.plist 的檔案。
  3. 共頂懸的檔案改名(親像 SystemPowerProfileDefaultbak.plist),刁工予你的 iPhone/iPod Touch 袂認得伊(另工若想欲回復原廠設定,共伊改名倒轉來應該就會使)。
  4. 重新開機,大功告成!

雖然按呢會使加速你的 iPhone/iPod Touch,毋過有了電(電池較無擋頭)、過熱的副作用。是毋是欲超頻,你家己決定吧!

【老刀按:我家己無 iPhone/iPod Touch,並且我最近共 HTC Desire 娶入門,正式徛踮 Android OS 這爿。若是共 iPhone/iPod Touch 耍歹去,毋通來揣我啊】

2010年5月15日

5/14 老地方冰果室聚會紀錄


MAQ Core i7 展示
原由 Gontera 上載

這禮拜五老地方冰果室的例行聚會,特別請到已經一站仔無看著的 Ascent 來展覽 Core i7 處理器的 MAQ 電腦,利用 Photoshop CS 5、Steam 等軟體,予逐家看著 Intel 上新處理器的威力。

老刀紮著新買的 HTC Desire 手機參加這場聚會,嘛利用伊試翕了幾張相片(新手機的第一擺翕相,就獻予老地方冰果室矣),老刀特別共原圖貼踮我的 Flickr 相簿內底,提供有興趣的朋友參考。

朋友阿勇拄拜託朋友對米國紮轉來 iPad 3G,並且嘛佇現場開箱拆包裝,來予逐家「鼻芳」一下。這擺的例行聚會,煞變做是上新、上熱門的 3C 商品展覽會矣,哈哈。

想欲知影這擺聚會的相關討論,請來去老地方冰果室交流區,嘛歡迎逐家去遐留落你的意見。

2010年5月10日

5/07 老地方冰果室聚會紀錄

頂禮拜五暗時佇滴咖啡(伊通店)舉辦的老地方冰果室例行聚會,這擺閣再請著「敗家網」的代言人利得彙小姐來獻唱歌曲做伙娛樂。捧著伊的福氣,親像老刀的好朋友阿鑫,佮環遊世界轉來的香港羅先生等一寡足久無出現踮滴咖啡的朋友猶閣倒轉來矣。

這擺利得彙小姐演唱的曲目有:

  1. 不想他啦
  2. 目光
  3. 不要你的我
  4. 愛陪
  5. My Flower

攏總 5 調歌曲。老刀嘛勉勵利小姐「愛做真正的 rocker,毋通做假影的 rocker (fake rocker)」,繼續實現真正的搖滾精神。好朋友 Alex Tsai 的朋友,佇 pub 駐唱英國人 David Wig 嘛答應另工欲來滴咖啡,表演搖滾音樂來佮逐家鬧熱一下【老刀按:佮 David 開講了後,知影伊真佮意搖滾名團 AC/DCMotörhead,實在期待伊的表演】。

老刀這擺閣再紮著翕相機來錄影,毋過因為 Canon PowerShot A720 IS 並毋是啥物專業的錄影機,畫質若有較䆀,請多多包涵。其他的影片攏已經囥佇我的 YouTube 頻道,歡迎逐家入來看我的錄影喔!

關於這擺聚會的討論佇遮

2010年5月4日

Fedora 13 已經開始進入倒算

Linux 的牌子遮爾濟款,Fedora 一直是老刀上愛用的版本。佇 Fedora 12 推出將近半冬了後,Fedora 的第 13 版(代號叫做 Goodard)將欲佇 5/18 正式問世【已經改佇 5/25 推出!】

Fedora 13 主要的重大功能有:

  • 自動鬥入印表機驅動程式。
  • 自動鬥入語言套件。
  • 重新設計的使用者帳號工具。
  • 校正螢幕佮掃瞄器的色緻管理【老刀按:這个功能真讚,終於會當有接近 Mac OS X 的水準矣】。
  • 試驗性的支援 nVidia 顯示卡頂頭的 3D 顯示【老刀按:ATI Radeon 系列的 3D 顯示,對 Fedora 13 開始正式列入支援】。
  • 利用 Internet 鬥入 Fedora 的新步數:利用新網站 http://boot.fedoraproject.org/ 所提供的開機磁碟映像 (boot image),你會使利用包括 USB 隨身碟、CD、DVD、軟碟片在內的媒體開機,並且自動開始鬥入系統的過程。
  • NFS 的更新。
  • Zarafa 群組軟體。
  • Btrfs 檔案系統支援「還原點」。【老刀按:Btrfs 是 Linux 系統 ext2/ext3/ext4 磁碟格式的「接班人」,將是後一代的 Linux 磁碟格式。雖然對 Fedora 12 開始就支援 Btrfs,但是佇 Fedora 13 內底,Btrfs 猶原是試驗階段】
  • Netbeans 6.8 已經支援 Java EE 6 的完整規格。

想欲了解關於 Fedora 13 閣較詳細的說明,歡迎來去參考怹的版本公告

最後,對 PowerPC 的朋友來講可能愛失望矣,因為 Fedora 13 干焦支援 x86 佮 x86_64 硬體平台爾爾。按照怹的說明,因為 PowerPC 已經毋是主流的硬體平台,所以開發團隊並無閣再編製 PowerPC 專用的版本。怹嘛歡迎有興趣的朋友去加入 PowerPC 特別愛用者俱樂部 (PowerPC Special Interest Group),來訂造家己的 PowerPC 套件。

2010年5月1日

蘋果恬恬推出 iTunes 9.1.1.12 修正更新

iTunes 9.1.1.12

蘋果公司今仔日恬恬仔推出 iTunes 9.1.1(版本號碼:9.1.1.11) 的修正更新,解決 128kbps AAC 格式的音樂無法度佇 iPhone 內底出現歌詞的問題(請參考蘋果公司討論版)。更新了後,版本號碼變做是 9.1.1.12。

已經鬥入 iTunes 9.1.1 的朋友,若是你的 AAC 格式音樂放歌詞的需要,請重新去蘋果網站重掠 iTunes 轉來鬥吧。

2010年4月28日

McAfee 提供家庭佮辦公室用戶修理升級出包的步數

McAfee 佇 4/21 釋出「出包」的更新檔,因為會共 Windows XP 一寡系統檔案誤判做是病毒,害 Windows PC 無法度成功開機的嚴重問題,這馬已經有解決的步數矣。今仔日怹發表這篇新聞稿公開話失禮,嘛建議 Windows XP 的用戶趕緊參考這个網頁的介紹,來確認你已經鬥入上新的更新檔。

解決的步數有下跤 2 个:

  1. 敲 McAfee 的服務專線(台灣的用戶,請敲 0800-666105),服務人員會判斷你電腦的狀況,並且一步一步教你按怎修理。
  2. 若是服務人員無法度佇電話頂懸救活你的電腦,McAfee 會送工具軟體予你家己救:家己掠,抑者是怹快遞寄一片死豬 (CD) 予你,攏總會使。

用戶若是因為鬥入出包的更新檔共電腦創歹去,所造成的金錢損失(親像送電腦去修理),McAfee 會佇合理的範圍內底替怹負擔這條費用,詳細的條款將會佇這幾工內公布佇 McAfee 官方網站。McAfee 對這寡「受災戶」,嘛提供免費延長 2 冬的產品升級服務;延長升級服務的期間,會出現踮 McAfee 網站的「我的帳戶」專區內底。

頂懸的說明若是佮 McAfee 的聲明有無仝款的所在,請以怹的新聞稿為主。

2010年4月25日

蘋果公司更新 Mac OS X 支援的 WWAN (3G/3.5G/3.75G) 無線網卡名單

蘋果公司最近更新這份技術支援文件,雖然是針對蹛佇米國佮加拿大的朋友所寫,毋過因為台灣電信業者嘛有提供包括 AT&T 系統在內的服務,所以對佇台灣的朋友來講,會使罔參考看覓。蘋果公司針對米國、加拿大以外的地區的用戶,嘛附佮下跤的說明:【老刀按:下跤的說明是對這篇技術支援文件的「繁體中文」版本內底引過來,可惜中文版網頁提供的 WWAN 網卡名單猶未更新,所以欲查這个名單,請以英文版為主】

全球其他的 GSM 網路可能也通用。您可能必須將 APN 數值修改成電信業者的正確設定。如需相關詳細資料,請洽詢您的服務供應商。使用 Mac OS X v10.5.2 或以上版本時可修改 APN 數值,方法是開啟系統偏好設定中的網路偏好設定、選擇 WWAN 設備,然後點按“進階”標籤頁。

老刀因為並無使用 3G/3.5G/3.75G (WWAN) 無線網卡,所以對國內電信業者敢有進口這幾種無線網卡並無了解。雖然如此,你所用的 WWAN 網路卡牌子抑是型體若無出現佇這个名單內底嘛毋免傷過煩惱:只要你的網卡採用仝款的網卡晶片,Mac OS X 應該就會當支援矣,佮網卡外殼仔貼啥物牌子並無關係。另外,若是你的 WWAN 網路卡支援 Mac OS X 但是並無出現佇蘋果公司的名單內底,嘛歡迎「好空鬥相報」踮遮留字,來予逐家知影喔。

2010年4月22日

教育部編寫的客家語分級教材(有學生版佮教師版),免費提供逐家掠喔!

這已經是頂禮拜的「舊聞」囉!因為老刀前站仔較無閒,煞來閬過這篇報導,毋過對有需要的朋友來講,嘛是有參考的價值矣。

下跤是教育部國語會網站的新聞稿

教育部委託國立教育資料館編輯客家語分級教材,至 98 年底已完成第 1 至 5 冊課本與教師手冊,內容涵蓋五腔客家語--四縣、海陸、大埔、饒平、詔安。該教材電子檔(PDF格式)置於國立教育資料館網站,免費供各界下載使用,網址為:http://3w.nioerar.edu.tw/education/t-language-1.jsp

教育部為積極保存、推廣珍貴的客家語言及維持教材多元活潑性,提升教育品質,自 97 年開始委託國立教育資料館著手編輯《部編版客家語分級教材》,預定編製四縣腔、海陸腔、大埔腔、饒平腔、詔安腔五種版本。今年已編輯完成第 1 至 5 冊課本與教師手冊,目前正著手進行第 6、7 冊的編輯作業,預定 100 年完成全部9冊五腔的客語教材,供國中小客語教學利用。

本套教材的基本理念在培養學生主動學習、聽說客家語的興趣,並且在日常生活中運用。課程遍及生活、禮俗等各層面,內容兼顧學習及趣味性,如:第一冊「屋下人」(家人)描述家中成員和樂生活的情景,使學生能用客家語說出親屬稱呼;第三冊「搞頭王」(孩子王)透過韻文來說講神話故事西遊記中孫悟空千變萬化、威風八面的形象;第五冊「迎神做鬧熱」(迎神辦廟會)介紹媽祖誕辰的習俗,增加學生對傳統習俗的關心。每一課都搭配生動有趣的插圖及習作,讓小學生能夠快樂學習客家語。

2010年4月21日

趕緊共你手頭有附佮遙控器的蘋果耳機 (Apple Headphones with Remote) 換新!

根據蘋果公司發布的上新消息,附佮佇第 3 代 iPod Shuffle 的遙控耳機踮一寡情況下跤會來歹去。出問題的耳機大約是佇 2009 年 2 月佮 2010 年 2 月中間製造,蘋果公司對產品購買的 2 冬內,將會免費提供替換的服務。

耳機出包的 iPod shuffle,序號範圍是:
xx909xxxxxx 到 xx952xxxxxx
xx001xxxxxx 到 xx004xxxxxx

詳細的消息,請參考蘋果公司關於具有遙控器的 Apple 耳機替換方案的說明。

2010年4月20日

AutoCAD 2011 for Mac 敢有影?

猶會記得舊年佇 Macworld 2009 大會內底,Autodesk 宣示將欲投入 Mac 市場才無偌久,根據 Architosh 這篇報導,佇過去這 2 个禮拜以來,有一寡證據顯示 Autodesk 可能當咧計劃共怹的招牌軟體 AutoCAD 搬去 Mac 頂懸。

Owen Wengerd 佇伊的部落格文章討論著伊佇 ObjectARX 2011 軟體開發工具 (SDK) 內底,發見 Autodesk 當咧利用 GCC 編譯器佮 OS X 函式庫開發軟體的證據。下跤是 acedads.h 的一部分程式碼:

#if defined(_WINDEF_) || defined(_ADESK_MAC_)
/* AutoCAD graphics window handle */
HWND adsw_acadMainWnd();
#ifndef adsw_hwndAcad
#define adsw_hwndAcad adsw_acadMainWnd()
#endif

acedinpt.h 有下跤這段說明,來解說 _ADESK_MAC_ 代表啥物意思:

#ifndef _ADESK_MAC_
#ifndef ACAD_PORT
#ifdef ACAD_API
#define ACAD_PORT _declspec(dllexport)
#else
#define ACAD_PORT
#endif
#endif
#else
// On OS X, we will export all symbols by default and will use GCC
// attributes to exclude symbols we don’t want to export.
// In this case, we do want to export the AcEdInputPoint symbol
#define ACAD_PORT
#endif // _ADESK_MAC_

雖然 Autodesk 並無正式承認,毋管如何,若真正有 AutoCAD 2011 for Mac 這个「殺手級軟體」存在,對一寡製圖的工程師來講,這絕對是一件好代誌。

2010年4月13日

蘋果公司推出新規格的 MacBook Pro

一如真濟人的預料,蘋果誠實推出新規格的 MacBook Pro 系列筆記型電腦;其中 15” 佮 17” 螢幕的形體,已經改用 Intel Core i5/i7 處理器。雖然 13" 的形體猶是採用 Intel Core 2 Duo 處理器,但性能規格嘛是有小可仔更新。

相關產品的規格佮新台票價數比較,蘋果台灣分公司嘛已經做好產品比較網頁佇遮,有心想欲拚一台的朋友,會使準備儉錢,4 禮拜後正式交貨矣。

2010年4月11日

禮拜二 (4/13) 愛記得掠「安全性更新」來補 Microsoft 佮 Adobe 產品的大空

根據 CNet 的報導,微軟將欲佇這禮拜二 (4/13) 發表更新檔,修補相關產品的 25 个大空。詳細的說明,請參考微軟安全建議文件編號 981169(予歹人會當透過 VBScript 控制你的電腦)、編號 977544(SMB 協定的破空)。受著影響的產品,包括:

  • Windows 2000, XP, Vista, Windows 7, Server 2003, Server 2008
  • Office XP, 2003, 2007
  • Exchange Server 2000, 2003, 2007, 2010

另外,Adobe 嘛將欲佇仝日推出 Adobe Acrobat 佮 Acrobat Reader 9.3.1, 8.2.1 (Windows/Mac/Unix) 的安全性更新。毋過 Adobe 並無進一步說明關於產品破空的相關消息

2010年4月10日

收著頭一筆捐款,多謝逐家!

老刀最近因為咧無閒做工課的關係,並無法度囥蓋濟時間佇這个部落格頂頭。雖然經營閩南語部落格需要比經營一般的部落格付出閣較濟的心力,我猶原會繼續蒐集一寡報導報予逐家知影;佇現此時工課猶未做煞進前,我會不時倒轉來回覆各位網友留落的意見。

自從老刀開設 PayPal 戶頭接受捐助以後,昨日終於接收著第 1 筆捐款 NT$1,000,實在足感心。捐款人佮收著捐款的數目,我攏會貼踮正手爿的名錄內底,算是對各位大德表示淡薄仔感謝。

最後,閣再一擺感謝逐家對本站的支持,勞力矣!

2010年4月1日

予逐家誤用的閩南語字 (7):TVBS,我聽你咧放屁!

今仔日是一年一擺的西洋「戇人節」,原本是逐家互相笑詼、娛樂的日子,毋過老刀看著 TVBS 〈獨家〉教版台語!尬車變「較」車 民眾「霧嗄嗄」這篇報導,實在看甲心狂火著,一點仔攏笑袂出來矣。這篇報導的全文佇遮:

教育部在網路上公佈了一套「閩南語常用語」檢索系統,試圖統一閩南語的書面版用字。但教育部使用的字眼,跟一般民眾習慣的用語幾乎都不相同;例如「尬車」的「尬」,變成了比較的「較」,「作陣」的「作」也變成了奮鬥的「鬥」,不少民眾直說看不懂,還說原本台語很「輪轉」,但一看到這些新的字眼,反而都不會唸了。

五月天(演唱片段):「作陣來尬車,作陣來尬車,毋管伊警察底抓,毋管伊父母底罵…。」

一首「尬車」紅遍大街小巷,是許多人到KTV的必點歌,但是「休等一咧」,根據教育部公佈的閩南語常用詞典,這個「尬」寫錯了,正確的版本,要寫成「較車」才對。

民眾:「啊是這個『較』嗎?這感覺就是一個奇怪的,不知道什麼意思,某種車款嗎?」

還有還有,大嘴巴的喇舌,也是潮歌之一,但是根據常用辭典,意指是「攪拌」的「喇」,寫成國字是提手旁加上一個內,這樣才對。

民眾:「沒有意義沒必要,就是大家已經習慣的字,現在又用新的字,反而更多人看不懂,用的字,可能跟它原本字義,是相背的,這又更奇怪,會講台語的人,反而看了都不會講了。」

登入教育部的查詢網站,簡單的一個「未」,相關的台語字辭有1、20種,教育部一音配一字,還加註羅馬拼音,但幾乎都和一般用字習慣不相同,有民眾看半天還是「看攏無」,直說就算看到字也發不出音,看來這最新查詢系統,不僅沒有發揮「辭典功能」,還在民眾每天的語言習慣當中,增添了許多問號。

頂懸 TVBS 這規篇報導完全是咧烏白亂鬥矣,叫是「北京語」就會當代表所有語音,嘛用按呢來看待閩南語,真正是烏白來!「尬」這字佇北京語定定作「尷尬」來解說,所以「尬車」佮「飆車」,照字的意思來講,是完全無通的。「喇舌」佮「抐舌」,嘛是仝款的道理。教育部的功能,本來就愛教育逐家正確的智識;就是因為一般人用毋著字傷過普遍,所以才愛出來介紹、推廣正確的閩南語字,請問 TVBS,教育部按呢做是有啥物無著?

話講倒轉來,若是「閩南語」用字會當用北京語的字來烏白亂鬥,按呢乾脆就連「英語」嘛仝款用北京語漢字凊彩掠來鬥就好,逐家毋免學英文字母,敢毋是誠好?bicycle 以後叫「拜死狗」就好,莫閣再去管字的意思,反正北京語漢字讀音相近就會使。這是啥物款道理啊?TVBS 猶閣好意思家己寫這篇「獨家」報導,真正是見笑代毋驚人知影矣!

最後,老刀嘛是愛來共 TVBS 這篇報導用字毋著的所在糾正一下:

  • 尬車:「較車」才是正確用法。
  • 作陣:「做陣」才是正確用法,佮「鬥陣」意思仝款;TVBS「做」佮「鬥」分袂清楚,嘛是一个錯誤。
  • 輪轉:「輾轉」才是正確用法。
  • 休等一咧:「小等一下」才著。
  • 喇舌:抐舌。

2010年3月29日

Fermi 顯示卡:nVidia GTX 400 系列來矣!

猶會記得老刀舊年 11 月這篇 nVidia Fermi 圖形處理器袂赴佇今年底推出講著,新一代的 Fermi 圖形處理器將延後到今 (2010) 年第 1 季推出吧?便看第 1 季就欲結束,nVidia 真正佇接近月底的 3/26 推出以 Fermi 為核心的 GTX 480/470 圖形處理器

nVidia 共 GTX 480 定位做頂級旗艦。對伊的性能看來,應該會當滿足𨑨迌 3D game 的爽度;GTX 470 是定位佇中階頂懸。根據 nVidia 官方網站公布的資料,GTX 480 佮 470 的規格是:

  GTX 480 GTX 470
CUDA處理器核心 480 448
繪圖時脈(MHz) 700 MHz 607 MHz
處理器時脈(MHz) 1401 MHz 1215 MHz
材質填充率(億/秒) 42 34.0
記憶體時脈(MHz) 1848 1674
標準記憶體配置 1536 MB GDDR5 1280 MB GDDR5
記憶體介面頻寬 384-bit 320-bit
記憶體頻寬(GB/秒) 177.4 133.9
NVIDIA SLI®-ready技術 2-way/3-Way 2-way/3-Way
支援GeForce 3D Vision 支援 支援
NVIDIA 3D Vision Surround Ready 支援 支援
NVIDIA PureVideo®技術 HD HD
NVIDIA PhysX™-ready技術 支援 支援
NVIDIA CUDA™技術 支援 支援
Microsoft DirectX 11 11
OpenGL 3.2 3.2
匯流排支援 PCI-E 2.0 x 16 PCI-E 2.0 x 16
通過Windows Vista認證 支援 支援
最高數位解析度 2560x1600 2560x1600
最高VGA解析度 2048x1536 2048x1536
標準顯示器接頭 Mini HDMI/
2 个 Dual Link DVI
Mini HDMI/
2 个 Dual Link DVI
多重螢幕支援 支援 支援
HDCP 支援 支援
HDMI 支援 支援
HDMI音訊輸入 內部 內部
最高GPU溫度 105℃ 105℃
最高繪圖卡功耗(W) 250 W 215 W
最低系統功耗需求(W) 600 W 550 W
額外電源接頭 6-pin & 8-pin 6-pin & 8-pin

國外硬體的專業網站,親像 TweakTownGuru3D 已經共 GTX 480/470 做了非常詳細的紹介佮性能評比。想欲進一步了解的朋友,歡迎來去參考看覓。另外,台灣的硬體廠商嘛真配合,仝步推出 GTX 480/470 的新顯示卡。想欲趕緊體驗新產品的威力嗎?銀票加準備小可仔吧!

2010年3月27日

蘋果優仕八德店一日遊

DSC08155

早時佮好朋友「麥客迷俱樂部」的阿鑫佇 iChat 開講,講著欲去蘋果今仔日開始試賣的 Apple Premium Reseller (APR) 蘋果優仕八德店參觀。老刀想講天氣遮呢好,乾脆就對汐止騎車過去(對汐止一路往西,直直行 13.6 km 就到位矣【按:我車頂有鬥碼表】),順紲共咧欲生鉎的身軀練一下。

到優仕的亭仔跤拄著嘛是老朋友的頭家 Randal ,伊親切擛手叫我共車仔牽入去,發見朋友美童 (Prettyboy) 兄已經佇內底咧鬥相共,伊嘛利用手頭的 Sony Alpha 700 共我翕了正手爿這張相片。聽 Randal 講,我是開店以來頭一个共車仔牽入去停的人,搶著這个「頭香」,老刀嘛感覺真光榮矣。

老刀嘛隨身紮著細台的 Canon PowerShot A720 翕相機,佇店內底做一寡影像紀錄。老刀揀其中一寡貼佇下跤予逐家參考一下:

IMG_0178

IMG_0201

IMG_0175

IMG_0176

IMG_0174

IMG_0190

IMG_0198

2010年3月24日

利用「預覽程式」共一寡 PDF 檔案合併做一个

蘋果公司這篇技術支援文件提供了這个真實用的撇步。這个功能原本我叫是干焦會使佇商業版的 Acrobat Standard/Professional 使用,沒想到附佮佇系統的「預覽程式」就做會到,實在愛來共蘋果呵咾一下,老刀嘛借這个所在報予逐家知影。
  1. 用「預覽程式」拍開逐个你想欲合併的 PDF 檔案。
  2. 共頂懸逐个「預覽程式」視窗的「側邊欄」攏總叫出來(顯示方式 -> 側邊欄 -> 顯示側邊欄)。
  3. 選「縮覽圖」模式(顯示方式 -> 側邊欄 -> 縮覽圖)。
  4. 共逐家 PDF 頁面的縮覽圖拖做伙(你嘛會當拖動 PDF 檔案的頁面縮覽圖,來調整前後頁)。
  5. 拖好勢了後,揀「檔案 -> 儲存為...」共你調整好的 PDF 存檔。

2010年3月18日

拍開 Mac OS X 10.6 對 NTFS 磁碟的原生支援

雖然 Mac OS X 自足久以前就支援 NTFS 磁碟格式(Windows XP/Vista/7 預設的磁碟格式),可惜除非你鬥入第三方的 NTFS 驅動程式(親像免錢的 NTFS-3G,抑是改良的商業版 Tuxera NTFS for Mac),若無,你的 Mac 只會當讀內底的資料(無法度寫入),講起來算是支援一半爾爾。

其實佇上新版的 Mac OS X 10.6 (Snow Leopard) 已經「恬恬仔」支援的 NTFS 磁碟寫入功能。毋過可能是為著保持相容性抑是穩定性的關係,蘋果公司並無針對這點特別說明(所以老刀講怹是「恬恬仔」做矣),想欲了解拍開這个限制的做法,會使參考 MacUknow 這篇「10.6限定 - 開啟原生NTFS讀寫支援」。毋過看來敢若真費氣?

免驚,老刀介紹你這帖 SL-NTFS 2.0.1。共伊掠轉來鬥了後,佇你的「系統偏好設定」內底應該會當揣著 SL-NTFS。共伊拍開,將會出現下跤的畫面:

SLNTFS

SL-NTFS 提供了較簡單、好用的管理介面;透過這个工具,想欲控制你的 NTFS 磁碟就毋是困難的代誌矣。

2010年3月14日

予 gcin for Windows 支援 CJK 統一表意文字擴展 B 區 (Unified Ideographs Extension B) 的撇步

gcin 現此時已經變做我佇 Windows XP 所用的唯一漢字輸入法介面矣。因為 gcin 採用 Pango 文字顯示引擎,佇預設的狀況下跤,Windows 版 gcin 的揀字窗並無法度現出 Ext-B 範圍的漢字,準講你的輸入法表格有對應著 Ext-B 的漢字嘛是仝款。

好佳哉 gcin 官方討論內底,已經有人貼出解決的方法:就是佇 %USERPROFILE% 系統變數表示的資料夾內底增加一个號名做 .pango.aliases 的純文字檔,並且共伊加入這逝:

MingLiU = "MingLiU,MingLiU-ExtB,simsun"

重新執行 gcin 了後,gcin 的揀字窗就會當正確現出 Ext-B 漢字矣。

為著予逐家會當閣較方便使用 gcin,老刀已經寫好批次檔 ext-b.bat,掠轉來執行了後,你的電腦就會自動替你做好頂懸的代誌。下跤這張圖,就是 ext-b 的執行畫面:

Ext-B for gcin

2010年3月12日

行列輸入法(40 鍵版)for gcin

gcin 原本是佇 Linux 下跤發展的輸入法介面,幾個月前 gcin for Windows 測試版一推出,連鞭就變做老刀佇 Windows XP 下跤一定愛使用的輸入法介面。就親像 Mac OS X 頂懸有 OpenVanilla 仝款,gcin 提供一个開放框架,予使用者囥入家己訂做的輸入法,真正是方便。

真濟朋友攏知影老刀是行列輸入法的用戶。因為上早(第一代)的行列輸入法是 40 鍵的版本,著欲改善行列輸入法的拍字效率,行列科技公司共伊改良做 30 鍵的版本,嘛已經推廣真久矣(第一代的 40 鍵版干焦出現佇倚天中文爾爾,自從 Windows 3.1 以後的系統內底所佮的行列輸入法攏是 30 鍵版),毋過佇網路頂頭定定有人問著「佗位會當揣著行列輸入法 40 鍵版」的問題,可見猶有一寡人有需要。老刀共進前替 OpenVanilla 所做的行列輸入法 40 鍵版表格提出來,修改做會使予 gcin 接受的輸入法表格.cin 原始檔佇遮),佇 Windows XP 試用到今猶無發現問題(佇 Linux 下跤應該嘛會當照常使用)。

有需要的朋友,請共 array40.gtab 掠落來囥踮 C:\Program Files\gcin\table\ 內底(以 Windows XP 為例),然後用「記事本」修改 C:\Program Files\gcin\table\gtab.list【老刀註:拍開小看一下,應該就知影欲按怎改矣】,重新啟動 gcin 了後,就會當使用這个行列輸入法 40 鍵版矣。想欲進一步了解的朋友,請來去 gcin 的官方討論版參考這篇文章

2010年3月6日

Mac 的 CD/DVD 㧎片欲按怎解決?

這个問題應該是真濟拄入門的 Mac 用戶定定會問著的問題。解決的方式雖然真濟,凡勢你我所使用的步數就無仝款。今仔日 OWC 部落格文章整理出解決問題的逐个步數,真正有夠精彩,其中有幾步是我原本毋知影的方法,老刀感覺真有參考的價值。所以特別共怹轉貼佇下跤:

  • 開機的時陣共滑鼠(倒手爿的鍵)抑是觸控板揤牢咧。
  • 開機的時陣共 Option 揤牢咧,螢幕會顯示你想欲用來開機的磁碟。這个時陣揤鍵盤頂懸的「退片」鍵,應該會當共 CD/DVD 退出來。
  • 用「目標磁碟」模式開機(揤 T 開機,螢幕會現出 Firewire 的標仔),然後揤「退片」鍵。
  • 用 open firmware 模式開機(揤 Command+Option+O+F),拍入 eject cd 等待 CD/DVD 退片,紲落來拍入 mac-boot(註:這步干焦適合佇 PowerPC 處理器的 Mac)。
  • 清除 PRAM(揤 Command+Option+P+R 開機莫放,到聽著第 2 聲為止),電腦會再度裝載你的光碟機,這陣就會使共 CD/DVD 退出。
  • 對睡眠模式醒過來的時陣,電腦會再度裝載光碟機,這陣嘛會使共 CD/DVD 退出。
  • 有一寡 Mac 開機了後攏莫做任何代誌,差不多過 10 分鐘了後就會自動共光碟片退出來。
  • CD 囥佇電腦傷久去燒甲翹翹㧎咧。所以共你的 Mac 關機完全放予冷了後,開機彼當時就會使共片退出來。

2010年3月2日

PowerMac G3/G4 SCSI 卡的差別

蘋果公司 Mac 電腦的心臟改換做 Intel 處理器了後,採用 PowerPC G3/G4 處理器的 PowerMac 嘛已經咧欲行入歷史。最近蘋果公司共怹一寡技術支援網頁有關 PowerPC 處理器機種電腦的文章做最後一擺的更新佮「封存」,嘛表示對 PowerPC 處理器電腦的支援已經結束。

昨日蘋果公司封存這篇有關 PowerMac G3/G4 SCSI 卡規格說明的技術支援文章,對猶咧使用中古 PowreMac 的朋友來講,嘛有淡薄仔參考價值,所以老刀閣再共這篇文章轉貼出來予逐家參考。

想欲佇 Mac OS X 使用 SCSI 卡佮週邊裝置的朋友請注意來。有一點愛報予你知影:逐个 Mac OS X 系統支援 SCSI 的程度攏無啥仝款,根據老刀的經驗佮國外網站的報導,對 SCSI 支援上差是 Mac OS X 10.6 (Snow Leopard),然後是 Mac OS X 10.4 (Tiger),老刀個人無建議佇這 2 个系統使用 SCSI 週邊(反正 Snow Leopard 並無支援 PowerPC 處理器,無差啦)。顛倒原本佇 Mac OS X 10.4 (Tiger) 無法度掠著 SCSI 的 PowerMac 電腦,佇鬥入 Mac OS X 10.5 (Leopard) 並且重灌 SCSI 卡驅動程式了後,差不多攏會當回復正常(尤其是 Adaptec 的 PowerDomain 系列 SCSI 卡),手頭猶有 SCSI 卡佮週邊裝置的朋友,會使來試看覓。

過年來到高雄行春


橫渡高雄港
原由 Gontera 上載
這幾暗下班了後,攏咧整理過年歇睏時仔所翕的相片,算來嘛已經真濟工無貼新聞來佮逐家分享。隨著相片沓沓仔整理好勢,就趁這陣來轉貼一寡行春的照片來予逐家參考看覓。

過年彼幾工,台灣中、北部的濕冷,相信逐家猶有印象;毋過來到南台灣的高雄市,顛倒是出大日頭,熱甲愛食枝仔冰降溫,真正予人想袂到。這工我坐渡輪過去足濟冬無拜訪的旗津,喙食旗津海產,跤踏旗后炮台,來到十外冬無拜訪的旗津,心內真是歡喜。可惜下晡欲轉去高雄市的時陣,拄著欲排幾若公里長的隊伍去坐船,等甲跤痠手軟,就絕對毋是輕鬆的代誌矣。

這擺老刀共所翕的相片攏囥佇 Flickr 相簿內底,歡迎逐家來參觀看覓。嘛歡迎分享過年時去耍的好所在,報予逐家知影喔。

2010年2月28日

利用 Pidgin 來去 Facebook 開講

最近 Facebook 佇台灣真正是衝甲掠袂牢。Facebook 提供了真濟功能,包括親像相簿、網誌(部落格)、開講,嘛提供一寡𨑨迌物仔(尤其是「開心農場」等),真是袂䆀。其中佇開講這方面,因為 Facebook 官方網站已經宣佈支援 Jabber/XMPP 協定,所以利用支援 Jabber/XMPP 協定的開講軟體,親像 PidginAdium XiChatGoogle Talk 等,攏總會當使用著 Facebook 提供的開講服務。

老刀感覺佇 Pidgin 2.6.6 版頂頭設定 Facebook 開講的方式嘛真簡單。佇「帳號」功能表「管理帳號」對話框內底,揤「新增」,應該會出現下跤的畫面:

 用 Pidgin 連線至 Facebook-1

需要設定的所在有:

  • 通訊協定:揀 XMPP。
  • 使用者:你的 Facebook 帳號。
  • 域名:拍入 chat.facebook.com。
  • 密碼:你的 Facebook 密碼。
  • 其他的項目:凊彩你拍攏會使。

紲落來,揤一下「進階設定」標仔,螢幕的畫面會親像下跤按呢:

用 Pidgin 連線至 Facebook-2

繼續做下跤的設定:

  • 需要 SSL/TLS:毋通打勾。
  • 連線埠:5222。
  • 連結伺服器:chat.facebook.com。

最後揤「儲存」。恭喜你,這馬你已經會當利用 Pidgin 佮你的 Facebook 朋友開講矣。

2010年2月21日

萬用印表機驅動程式 Gutenprint 5.2.5 推出

慶祝舊曆過年,Gutenprint 嘛應景來推出上新的 5.2.5 版本(支援 Linux 佮 Mac OS X 作業平台)。其中佇 Mac OS X 平台這爿需要 Mac OS X 10.3 (Panther) 佮以後的系統,無閣再支援 Mac OS X 10.2 (Jaguar) 矣。

佮較早的版本 (5.2.4) 相比,Gutenprint 5.2.5 主要有下跤的改進:

  • PPD 無閣再包踮下載檔案內底,而且是佇鬥入 Gutemprint 的時陣才自動產生。雖然按呢做會予鬥入 Gutenprint 的過程加開小可仔時間,但是會當減少大約 30MB 的磁碟空間。Gutenprint 嘛有 Mac OS X 10.5 (Leopard) 專屬的驅動程式,佇鬥入 Gutenprint 的時陣,安裝程式會自動共正確的檔案鬥入電腦內底。
  • 新增加支援 53 種 Epson 印表機。
  • 增加支援印表機的 ID 字串。
  • Gestetner、Infotec、Lanier、NRG、Ricoh、Savin 佮 Xerox 的印表機,會使支援 A3/tabloid 寸尺(較早干焦支援 A4/Letter)。
  • 對一寡 Epson 印表機來講,QualityEnhancement(高品質模式)終於會當正常運作。
  • Epson 印表機若使用「Claria 攝影寫真墨水」的時陣,會使揀四分之一色調 (quadtone) 抑是六分之一色調 (hextone) 輸出。
  • 修正 HP LaserJet 2100/2100M 列印 A4 邊緣設定。

想欲進一步了解 Gutenprint 版本更新的消息,會使參考這个所在

因為這幾工拄著舊曆過年,老刀到今才報導這篇「舊聞」。毋過對猶未更新驅動程式的朋友來講,這馬掠落來更新並袂慢矣。

2010年2月14日

老刀祝福逐家新春快樂,萬事如意

一年一擺的春節假期又閣到矣,老刀佮舊年仝款佇高雄佮爸母、親情做伙過年。這半冬來因為工課的關係,老刀攏無好好仔歇睏一咧,拄好趁這擺特別久長的 9 工假期,好好食、好好歇睏,共這幾個月來無閒的的頭殼暫時放空,人講「食予肥肥,激予槌槌」,可能就這个道理吧?哈哈。

最後,老刀借這个所在祝福逐家新春快樂,萬事如意。

2010年2月13日

Mac Pro Audio Update 1.0 改了啥物所在?

佇舊 (2009) 年 11月底,老刀捌共逐家報導過「2009 出廠的 Mac Pro 佇 Mac OS X 放歌,CPU 會燒歹去?」這篇報導,說明 Mac Pro 的 Intel Nehalem 處理器佇 Mac OS X 頂頭處理音訊(親像放歌、錄音)的時陣有傷過燒的問題。佇幾工前,蘋果公司終於針對這个問題推出了 Mac Pro Audio Update 1.0 更新檔。

根據 Accelerate Your Mac 佇 2010 年 2 月 10 日發表的讀者回應講著,其實 Mac Pro Audio Update 並無去振動著 AudioAUUC 延伸功能(kernel extension,抑就是 Mac OS X 處理音訊方面的驅動程式),所以蘋果公司佇關於 Mac Pro Audio Update 1.0 這篇技術支援文件上落尾所寫:「鬥入更新了後,佇『系統描述』內底就會當看著 AudioAUUC 1.0 出現佇延伸功能內底」的說明出現毋著,因為 AudioAUUC 本來就是 Mac OS X 10.6.2 的一部分,所以毋管你敢有鬥入這个更新,AudioAUUC 攏存在佇系統內底,而且佮你的 Mac 是毋是 Mac Pro 一點仔關係攏無。

Mac Pro Audio Update 更新的所在是:

  • IOPlatformPluginFamily 延伸功能,版本 4.0.2d0(原本是 4.0.1d0):用來控制 Intel 處理器省電模式的驅動程式。
  • AppleHDA 延伸功能,版本 1.8.3fc1(原本是 1.7.9a4):遵守 Intel 高品質音訊標準的驅動程式。

雖然蘋果公司已經解決這个 Mac Pro 佇 Mac OS X 10.6.2 (Snow Leopard) 下跤的問題,但是佇老刀寫這篇文章的時陣,Mac OS X 10.5.8 (Leopard) 的用戶對這个問題猶是無解。

2010年1月31日

欲按怎啟動 Entourage 佮 iPhone、iPod Touch 仝步?

蘋果公司昨昏更新了這篇技術支援文件。有咧使用 Office 2004/2008 for Mac 佮 iPhone(抑是 iPod Touch)的朋友,這篇文章應該有參考的價值。下跤這段是蘋果公司的提醒:

同步 Entourage 聯絡資訊與行事曆時,需要 Microsoft Office 2004 for Mac Update 11.3.5 或以上版本。若您使用 Mac OS X v10.6 或以上版本,則應使用 Entourage 2008 並安裝 Microsoft Office Update 12.1.2 或以上版本。

老刀建議有咧用 Entourage 的朋友,先來升級到上新版本,然後「照表操課」便罷!

2010年1月28日

佇台灣,我看衰 iPad!

逐家進前的預料證實是真的,蘋果公司終於佇 1/27 正式推出平板電腦 iPad,怹共 iPad 定位佇 iPod TouchMacBook 中央,希望會使食著電子冊的市場。蘋果佇價數頂頭,提供對上基本款(16GB,Wi-Fi 網卡)米金 $499 到上高級款(64GB,Wi-Fi+3G 網卡)米金 $829,攏總有 6 種選擇。雖然看起來是袂䆀,但是 iPad 佇台灣敢會成功,我家己並無遮爾樂觀矣。

我看衰 iPad 佇台灣的未來,理由有下跤幾點:

  1. 電子冊市場狀況不明。現此時台灣幾間主流的大冊商抑是雜誌社攏無公開表示欲支持電子冊,照這馬的範勢,將來 iPad 佇台灣開始賣的時陣,商場頂頭的電子冊應該是無夠額來支持 iPad 的生存。當然囉,你若無讀漢文冊的需要,對英文冊的讀者來講,iPad 應該是真好用的物件。
  2. 台灣猶未支援 iTunes 音樂商店、App Store 嘛無夠本土化,加上無支援 Flash 佮 ActiveX,一寡網站無法度正常佇 Safari 頂頭現出,嘛減損 iPad 佇台灣的附加價值。【老刀註:網站無法度正常佇 Safari 頂頭現出,其實袂當怪蘋果公司;真正的罪人是所有利用微軟公司的 ActiveX 開發網頁的台灣廠商,怹可能到今猶毋知影:怹所做的網頁予「非 Internet Explorer 用戶」有偌爾痛苦!】
  3. iPhone OS 對正體漢文輸入法的支援差。因為 iPad 佮 iPhone 攏是採用 iPhone OS 系統,所以 iPhone 漢字輸入歹用的缺點,佇 iPad 頂懸應該嘛攏相仝。老刀已經佇進前的文章內底不只一擺說明 iPhone OS 手寫拍入漢字的功能傷差(真濟字無法度寫出來),而且除了手寫以外,干焦有注音、拼音輸入法會當用爾爾。對倉頡、大易、行列、嘸蝦米……等使用者來講,除非共 iPhone OS 破解 (Jailbreak)、鬥入第三方推出的輸入法介面以外(嘛失去蘋果公司的原廠保固),想欲佇 iPad 內底欲使用 iWork 建立文件,應該會足艱苦。
  4. 軟體鍵盤歹拍,嘛(可能會)無法度用注音拍入漢字。毋但軟體鍵盤無實體鍵盤回饋力的問題爾爾;根據蘋果公司公布的影片,iPad 軟體鍵盤採用 3 排鍵(毋是注音慣用的 4 排),而且上正手爿彼一列嘛去予蘋果公司省去;對慣勢用注音拍字的朋友來講,注音符號無夠揤的狀況一定會出現。雖然 iPad 會當利用藍芽另外接無線鍵盤來用,但是嘛增加使用的成本。
  5. 現此時猶未支援正體漢文的使用介面(有簡體漢文介面)。我臆蘋果公司可能嘛知影現此時的 iPad 佇正體漢文的支援方面,有頂懸的問題猶未解決,所以當咧修補這个問題。等怹補好了後,就會使利用「韌體更新」的方式,共正體漢文介面補完全。

毋管如何,佇 iPad 無正式引進台灣、老刀無去店頭試用進前,頂懸所寫攏是個人所臆。敢是事實,等伊引進台灣了後便知分曉。

2010年1月23日

2010/1/22 老地方冰果室聚會紀錄


Girl + the Machine
原由 Gontera 上載

這禮拜五暗時老地方冰果室佇滴咖啡舉辦的例行聚會,請著對加拿大的朋友 Girl + the Machine 來現場無插電 (unplugged) 表演。這个阿啄仔團體的樂風是台灣真少看著的迷幻搖滾 (psychedelic rock) 佮另類搖滾 (alternative rock)【老刀註:也就是真濟人所講的 modern rock】,有這款好空的節目,老刀當然愛去做紀錄矣。

這擺開唱的 Girl + the Machine,共怹佇台灣最後一擺的公開演出,獻予老地方冰果室的眾朋友(怹這馬應該當佇咧飛轉去加拿大中途)。演出的 4 位團員佮怹官方網站紹介的有淡薄仔無仝款(鼓手換人),分別是:

  • Jackie (the Girl):主唱。
  • Geoff:吉他。
  • Fred:貝斯。
  • Dave:鼓。

現場唱甲是真鬧熱。毋知影敢是觀眾佮翕相機攏比頂擺濟的關係,我感覺是 Jackie 唱甲特別頂真。毋但是唱專輯死豬 (CD) 內底的歌爾爾,嘛包括將欲收錄佇後一塊專輯(預定 2010 年 3 月發片)的新歌 "Blunder" 佮 "Jamie & Bobby",最後用 The Who 的經典作品 "You Really Got Me" 煞尾,真正有夠精彩。

Girl + the Machine 表演結束了後,仝公司的利得彙日京江羽人,佮頂禮拜例行聚會的姜道(註:老刀因為頂禮拜出差,並無參加彼擺例行聚會)3 人做伙表演,接續現場觀眾的熱情;後來 Girl + the Machine 的 Dave 嘛蹽落去,變做 4 人合奏。

為著欲做閣較完整的紀錄,老刀使用隨身 Canon PowerShot A720 IS 翕相機的錄影功能,錄了一寡片段,佇遮順紲提供無緣來到現場的朋友參考(頭一擺用入門等級翕相機的品質,若是翕了無好,請逐家包涵)。

這擺聚會相關的影像佮文字紀錄,攏囥佇:

我的 flick 相簿(攏總 24 張相片)
我佇現場所錄的影片
較早所翕的老地方冰果室聚會紀錄
這擺聚會的相關討論
老地方冰果室逐禮拜五暗時定期聚會的說明

最後這點一定愛報予逐家知影:這幾个阿啄仔應該是頭一擺來台灣,想欲看怹對台灣的感想嗎?請收看下跤這支影片:

你升級 Firefox 3.6 未?

今仔日 Mozilla 正式推出了 Firefox 3.6。佮較早的版本相比,3.6 新版除了閣再大大改善了安全性、穩定性佮瀏覽速度以外,嘛有下跤的主要改進:

  • 防止別款軟體佇無經過你允准之下,變更 Firefox 的工具列。
  • 新增功能:佈景主題 (Personas)。
  • Firefox 3.6 將會自動對傷舊佮無安全的外掛程式提出警告。
  • 「說明」選單列新增「疑難排解資訊…」項目。
  • 「自動完成表單」現此時會共「上捷用著的」佮「最近捌用過的」項目排踮頭前。
  • 用新分頁拍開連結的時陣,新的分頁會排佇現此時所使用分頁的隔壁。
  • 支援隱藏「選單列」,就親像 Internet Explorer 7.0/8.0 按呢。(會當揤 Alt 共選單列叫出)
  • 支援利用全螢幕觀視 Ogg/Theora 影片。
  • 「啟用 Java」已經對「選項」的「內容」面板提掉。想欲停用 Java 的時陣,會當利用「附加元件」內底的「外掛程式」。
  • 「私密瀏覽」的時陣,嘛會共 TEMP 檔案刣掉。

2010年1月21日

蘋果官版:鬥入 Windows 7 的時陣會定定拄著的問題

隨著蘋果公司正式推出支援 Windows 7 的 Boot Camp 3.1,怹嘛順紲推出這篇技術支援文件。蒐錄了鬥入 Windows 可能會定定予人拄著的問題,親像:

  • 鬥入 Windows 7 的硬/軟體要求。
  • Boot Camp 支援鬥入 Windows 7 的方式,佮按怎鬥入 Windows 7 的方法。
  • 對 Windows Vista 升級 Windows 7 拄著 "code: 0x80070005" 警告的解決方式。
  • iMac 佮 Mac Pro 佇鬥入 Windows 7 的時陣拄著顯示卡問題的解決方式。

老刀建議有想欲佇 Mac 頂懸利用 Boot Camp 3.1 鬥入 Windows 7 的朋友,先讀一擺看覓。

2010年1月16日

螢幕大捙拚:Google Nexus One、Apple iPhone 3GS 佮 Motorola 的 Droid 佮 CLIQ

Google 的 Nexus One 因為功能、規格佮現此時一寡時行的智慧手機(親像 Apple 的 iPhone 3GS、Motorola 的 DroidCLIQ)比起來一點仔攏無較輸,而且有較俗的價數,所以一推出就是全世界的焦點;雖然台灣這馬猶未開始賣 Nexus One,毋過阿啄仔已經先做了誠濟性能比較。老刀繼續頂一篇紹介翕相性能了後,紲落來就來為逐家報導螢幕性能的比較。

根據 PC Magazine 這篇報導,怹最近利用 Konica Minolta CS-200 分光式色彩輝度計分析 Nexus One、iPhone 3GS 佮 Motorola 的 Droid、CLIQ 這 4 支上熱門手機的螢幕性能。結論是:

  • Motorola Droid:色緻上準確。會當顯示 98% 的標準色水範圍,遠遠超過 iPhone 3GS 的 63%。Nexus One 會當顯出 141% 的標準色水範圍,嘛表示色水佮真實色彩相比是傷過飽和(應該較伊的 AMOLED 螢幕有關係);CLIQ 的 103% 接近 Droid 的水準。
  • Nexus One:有上深的烏色佮上好的對比。因為伊採用 AMOLED 螢幕,會當表現接近純烏色的色彩。Droid 的「純烏色」放出 0.26 cd/m2,CLIQ 放出 0.21 cd/m2,iPhone 3GS 的 2.5 cd/m2 表現上差。
  • iPhone 3GS 上光,紮出外的時陣上好讀螢幕頂懸的圖形佮文字。伊顯示「純白色」的時陣放出 444 cd/m2,Droid 放出 391 cd/m2、Nexus One 229 cd/m2、CLIQ 224 cd/m2

分出螢幕勝敗的時陣到矣。相對於 iPhone 3GS 傷光、Nexus One 的重色水,PC Magazine 編輯共評選螢幕的冠軍獻予 Motorola Droid,因為伊有上好的光度平衡上準確的色緻。

【老刀註:現此時佇台灣的手機店頭干焦會當揣著 iPhone 3GS 爾爾;Google Nexus One 當咧進行入關前的電磁檢驗,Motorola 的 Droid 佮 CLIQ 現此時猶未引進台灣】