船長閣再出帆：Captain FTP 6.2 推出！

老刀真愛用的 FTP 軟體 Captain FTP for Mac OS X 佇昨日推出 6.2 新版矣。

這个新版主要是修正舊版的一寡問題（親像 SFTP 連線、傳輸管理員，佮關於其他使用者回報的問題等），另外嘛增加對 Growl 的支援。猶有一點欲提醒逐家：這个版本仝款有收入老刀所製作的漢化翻譯介面喔！

Captain FTP 6.x 的用戶，攏會使去 Xnet Communications GmbH 公司網站免費掠這个新版本轉來升級。