2009年8月4日

蘋果鍵盤暗藏後尾門予駭客使用?

現此時的 3C 週邊裝置攏有處理器佮記憶體佇內底,鍵盤嘛是仝款。根據這篇報導,蘋果鍵盤內底有 8kb 快閃 (flash) 佮 256 位元組的動態存取記憶體 (RAM),看起來是無偌濟,但是對歹心人來講,灌入 keylogger【老刀按:鍵盤記錄程式,用來記錄使用者所揤的資料,主要是偷取怹拍入的帳號、密碼】佮其他歹心程式來講,已經有夠用矣!這个所在有閣較詳細的解說(參考就好,毋通去學做歹人喔)。

因為歹心程式是寫入佇 flash 內底,所以毋管是重開機,抑是共電池提出來(藍芽鍵盤)攏總無效,使用者並無法度家己發見鍵盤是毋是捌予人變造過,實在傷過危險。所以佇蘋果公司猶未解決這个問題進前,老刀建議逐家上好毋通烏白共別人的鍵盤提來用矣!

沒有留言: