2009年1月23日

希捷硬碟韌體出包猶閣有續集

希捷昨日推出的新版韌體猶原是問題不斷,一寡 Barracuda 7200.11 500GB 硬碟的使用者更新韌體了後,原來是好的硬碟竟然嘛從此變做正港的「磚仔角」(歹去)。希捷仝一日就關掉韌體下載的服務。

這擺怹又閣推出新版的韌體更新,看官版論壇的反映看來,使用者佇韌體更新了後,現此時猶未有出包的報告,所以應該是有比進前彼款較穩定矣。欲執行這个韌體更新,你需要先共硬碟韌體 .iso 檔掠落來、共伊燒入去 CD-R 內底了後,利用這片 CD-R 開機。詳細的做法,會使參考希捷提供的說明

【1/30 補充】因為希捷已經推出正體漢文的說明網頁,所以老刀配合共頂頭的網址連結換做正體漢文版。毋過正體漢文版的網頁並無共 Mac 使用者燒錄開機光碟佮更新韌體的步數寫出來。所以老刀建議 Mac 的使用者切轉去英文版的網頁參考。

1 則留言:

FAY 提到...

更新韌體?? 如果已經抓不到"硬盤"? 還是可以執行嗎??