2008年12月20日

新單元:較早寫的創作/評論

熟識老刀的朋友差不多攏知影,老刀𨑨迌電腦的歷史已經真久矣。這幾冬內底老刀寫的物件,自從早期推廣用 mIRCircle 這款 IRC 軟體來開講(佇 MSN、iChat、Yahoo 等一寡即時通訊軟體 (Instant Messengers) 猶袂出世的時陣,用 IRC 佮網友開講,是值得共身邊朋友展風神的代誌)、用 MAME/MacMAME 模擬器來「拍電動」,到前一站仔替老地方冰果室寫 3C 商品的試用文,雖然無講誠濟篇,嘛算是共家己的創作做一个完整收藏。

有興趣的朋友,歡迎來去本站正手爿的「較早寫的創作/評論」專區欣賞。但是有一點請特別注意:有幾篇較早寫佇 OIKOS 生活網的文章,因為網頁並無設定文字編碼,所以若拄著有「規篇文章攏全亂碼」的時陣,愛會記得共瀏覽器的文字編碼設定做「正(繁)體中文 (Big5)」。

沒有留言: