2008年10月6日

老刀鐵馬遊記 (3) - 基隆河松山、關渡段

這擺老刀利用禮拜六歇睏的機會,閣再來做一擺基隆河遊記。原來是拍算對汐止出發,騎去松山食中晝頓了後就騎轉來汐止。毋閣想著反正禮拜六下晡並無安排啥物代誌欲做,所以就臨時決定食飽對松山出發,共規條基隆河騎透透。

對汐止到松山這段,因為佮較早騎的路線仝款,所以就無閣再做記錄啊(想欲參觀沿路風景的朋友,會使來看五堵汐止段【正岸倒岸】、汐止南湖段),嘛歡迎來參考我較早的遊記),這擺是中晝食飯飽對松山開始記錄(基隆河倒岸),經過松山機場、大佳公園、圓山囡仔樂園,行承德路過河到正岸,過百齡球場、雙溪,一直騎到關渡接淡水河為止,紲落來踅翻頭一路騎正岸轉去汐止。按車頂碼表的記錄,這擺汐止、關渡往回攏總騎了 64.7 公里,對老刀這款「肉雞仔」來講,已經是破紀錄的遠途啊。

老刀嘛共沿途的風景記錄佇遮,歡迎逐家來參考看覓啊!

沒有留言: