2008年3月1日

2/29 老地方冰果室聚會紀錄

最近因為老刀較無盈,已經有一个外月無佇禮拜五暗時參加老地方冰果室舉辦的例行聚會。這擺終於會當來到 Le Park Cafe 為逐家做這擺聚會紀錄。

這擺聚會較老刀進前參加數擺聚會誠無仝款。開始的時陣,Le Park 二樓座位差不多攏予其他的人客占滿,只存壁角 2 塊單人桌予澳洲轉來的 mendy 佮朋友「小蘋果」,以及老刀 3 个人開講。等到人客沓沓散去,冰果室網友一个一个入來,到最後二樓已經全部予冰果室網友完全「覇占」啊,哈哈。以參加人數來論,應該是這半冬來參加人數上濟的一擺聚會。

這擺來鬥鬧熱的新朋友嘛真濟,除了頭前講著的「小蘋果」以外,嘛有 PowerBook 拄對韓國走找轉來的 aks,閣有頂禮拜頭一擺參加(老刀無參加,所以無拄著)、這禮拜再度光臨的 superman_eh 徐先生。另外,真久無見著的朋友如 yoks88 林桑、Feyever、Chester(老雀)、woodyman、五樣、浮爺佮一寡老刀無寫著的朋友,閣有定定參加的固定班底阿清、詹姆士、木村等人,予 Le Park Cafe 這禮拜五暗時充滿逐家的笑聲。

相關的紀錄佮討論,請參考:

我的 flick 相簿(攏總 31 張相片)
較早翕相的 Le Park Cafe 聚會紀錄
這擺聚會的相關討論
老地方冰果室 Le Park Cafe 禮拜五暗時定期聚會的說明

沒有留言: