2008年2月1日

華碩 Eee PC 試耍感想

室友的頭家新買一台華碩 Eee PC 4G(701 型,內建 4 GB SSD 硬碟),因為用袂慣勢內底的 Linux 系統,另外想欲利用 Eee PC 網路操盤炒股票,所以需要來重灌 Windows XP。為著欲共室友鬥跤手、做人情予怹頭家,予伊較好做人,所以老刀就親自上陣啊。

這擺老刀使用 Windows XP Home SP2 光碟來重灌系統。因為 Eee PC 並無附光碟機,所以需要透過 USB 另外鬥一台,好佳哉這台 Eee PC 的主人有順紲借光碟機予老刀。重灌的過程佮一般的 PC 攏仝款(開機了後,先揤 F2 入去 BIOS 畫面,指定使用外接光碟機開機),所以老刀就無閣寫出來呀。這篇文章的重點是囥佇試用的心得感想。

這台只有一个手掌大的 Eee PC,相信有真濟朋友已經佇電腦店頭佮大賣場看過。佇 Eee PC 拄推出彼个時陣,看著伊的規格:Intel Celeron M 900MHz、512 MB RAM、3 个 USB 2.0 埠、內建 802.11g 無線網路,特別是 0.92 公斤的「輕量級」,應該會當符合大部分朋友的需要。老刀本來嘛有想欲買一台來耍,但考慮著伊的鍵盤傷小,拍字實在有夠辛苦,所以想欲買一台的熱情就拍無去囉。另外,這台 Eee PC 4G (701) 螢幕是 800*480 解析度,一般拍文書猶會使,但是瀏覽網頁就有淡薄仔艱苦,這是伊的缺點。有想欲買 Eee PC 的朋友,出手進前一定愛想予清楚。


閣有一件重要的代誌:因為這款 701 型只配有 4GB SSD 硬碟,灌好 Windows XP Home SP2 佮進入 Windows Update 完成重大系統更新(無灌其他軟體)了後,只賰 450 MB 空間(請參考頂圖),老刀建議參考 Eee PC 說明書第 4 章來進行「Windows XP 最佳化」的動作(其實就是刣掉一部分 Windows XP 功能啦)。若是「使用 Windows」是你買 Eee PC 的目的,按呢直接買 Eee PC 8G 這个型體應該是上好的選擇。

測試過程的相片,已經囥佇我的 Flickr 相簿,歡迎逐家入來參考看覓。

3 則留言:

呆宇... 提到...

有問題喔!!你應該把更新先抓下來整合進去光碟,然後裝完記得拿掉分頁檔(虛擬記憶體),建議加條RAM然後開RAMDISK把一些暫存丟過去這樣,
至於軟體方面,除非他特別要求一定要某某牌的某某,不然其餘可以參考我這篇:
http://www.mobile01.com/topicdetail.php?f=300&t=496046
不過還沒做完所以先不更新了。

我那動物機灌XPP-SP2,分頁開64M而已,
加上兩套瀏覽器跟OO、新酷音、三套IM、防毒跟轉檔一寫小程式,才吃差不多2.6G而已,就灌在一顆從老蘋果拆過來的6G硬碟,用到現在!!
有掛第二顆,但純粹資料而已。

老刀 提到...

你講著的步數,其中一寡佇 Eee PC 說明書第 4 章「最佳化 Windows XP」有介紹著。文章這張圖,是灌好 Windows XP Home SP2 猶未最佳化的狀況。

雖然如此,若會凍直接用 Eee PC 8G,著毋免遮呢麻煩,Windows XP 灌好著直接使用伊的完整功能,應該是較好的方法。

呆宇... 提到...

XP喔..........
我是知道灌2K記得把虛擬記憶體拿走就好了,
根本不需要什麼最佳化