2008年1月10日

蘋果產品的硬碟保固政策

相信逐家電腦的硬碟攏佮老刀的仝款,內底已經囥了足濟重要的資料。你普通時若無慣勢備份資料,萬一硬碟出了問題,共伊拆落來送去專業廠商修理兼回復資料(若去拄著一擺絕對會予你去了三魂六魄,上好是永遠攏無發生啦)是毋是會予你的蘋果產品失去保固,相信真濟人攏想欲知影。

根據蘋果公司昨日發表的技術支援文件看來,蘋果公司已經佮 DriveSaversOnTrack 公司達成合作協議,若是你的蘋果出品原裝硬碟並無屬於親像靠著、落去土跤歹去這款「無正常的使用」(就是硬碟一定袂當有明顯的外傷啦,這是必要條件!),而且捌予頂懸這 2 間公司修理過(硬碟外口會有這 2 間公司的標誌),蘋果公司就會繼續提供包括這粒硬碟在內的產品保固服務(一直到規台蘋果產品保固到期為止);你的硬碟若是予這 2 間以外的公司修理過,蘋果公司就無閣再提供這粒硬碟的保固(但是產品其他部分的保固猶閣有效)。

毋管如何,家己動手備份重要資料,永遠攏袂嫌慢啊!

沒有留言: