2008年1月7日

1/06 黃俊雄布袋戲汐止公演

2008 年 1 月 6 日禮拜日,汐止火車頭前廣場來了一棚罕行的人客,竟然是布袋戲大師黃俊雄來公演。老刀當然愛把握這个機會,翕一寡相片來予逐家觀賞。這齣叫做是「雲州大儒俠史豔文大結局」的戲,為著欲佇一暝演煞,所以是一大碗公「雜菜麵」啊(綜合體)。除了史豔文、藏鏡人、劉三、二齒、怪老子等中原群俠佮秦假仙以外,竟然嘛出現了黑白郎君南宮恨!哈哈,時空有淡薄仔錯亂啊。

另外,黃俊雄請西卿佇中場歇睏的時陣演唱 3 條布袋戲名曲:「苦海女神龍」、「粉紅色腰帶」、「廣東花」,黃俊雄嘛親身唱了「藏鏡人之歌」、「仇傘風雨生」,真是予人懷念啊。一寡精彩相片,欲知如何,請入來我的 Flickr 相簿,便知分曉。

沒有留言: