2007年12月29日

新款阿露米 (鋁) iMac 拆機升級 DIY

蘋果新款的阿露米 iMac (20"、24") 媠媠的外形,外口完全看袂著任何一粒螺絲,加上伊有水準以上的效能,連老刀嘛足想欲搬一台囥厝內底啊。所以有關 iMac 的消息,我攏會特別注意。

想欲共手頭的新款阿露米 iMac 改裝硬體、記憶體但是毋知影按怎拆機器的人,請照過來遮!根據 Amfiteater Portal 這篇升級 1 TB 硬碟佮 4 GB RAM 的頂級教學文章,你就會當家己輕鬆升級啦。欲拆阿露米 iMac 需要 TORX T4、T6、T8 的特殊家私頭仔,好佳哉佇台北光華商場、打狗(高雄)長明街誠濟電子用品店內底應該買會著。另外,嘛需要特別處理拆落來的鏡面玻璃(親像這款,會當用這猶閣較好)萬一若處理無好去予破去,代誌就大條啊,哈哈。

最後祝福逐家動手升級攏會使順利成功。 :)

2 則留言:

hello Taiwan 提到...

我喜歡閩南語的文章內容,猜老半天挺有意思的!
同時這篇也是我想找的資訊,謝謝老刀~

老刀 提到...

會當幫助著你,我嘛足歡喜。