2007年10月3日

老刀看「色.戒」


(頂圖是對電影「色.戒」官方網站掠來)

大導演李安佇義大利得著金獅獎了後,「色.戒」這齣劇佇短短幾日內,就已經變做上熱門的話題。因為有朋友送我招待券的關係,頂禮拜六暗時老刀下班了後,嘛去電影院佮別人鬥鬧熱。

這齣劇雖然老刀認為劇情平平無啥希罕,予大家討論上濟的話題:易先生(梁朝偉飾)佮王小姐(湯唯飾)的三場露點激情床戲、劇內底演員用心計較、你去我來的精彩對白,攏總毋是老刀欲討論的重點。「色.戒」予老刀印象上深的所在,是重建 1940 年代上海街景、服裝,閣有掠影師掌鏡、取景的功力,看著電影掌鏡技巧,予我佇翕相取景方面有新的啟示。想欲提升掠影、取景功力,觀摩大師作品果然重要。

無論按怎,毋管你是用啥角度來看「色.戒」,這齣戲四界充滿值得研究的所在,真正是一齣回味無窮的影片。

沒有留言: