2007年7月19日

2007 台北多媒體大展

因為有朋友送我這擺「2007 年台北多媒體大展」的門票,所以今年的展覽老刀嘛佮人入去世貿會場鬥鬧熱。媠媠的女郎永遠是眾人目睭的焦點,老刀這擺嘛夯著 D70s 相機、鏡頭佮一寡仔裝備入場,翕幾十張相片佇我的 flickr 相簿予大家觀賞。

看媠姑娘仔顧目睭是袂歹啦,但是規日落來,手夯相機、跤嘛一直徛咧,到尾仔實在是跤痠手軟,真正艱苦。敢有價值,看人看款啦。 :)

2007年7月13日

Flickr Uploadr 中文版

(頂圖:Flickr Uploader for Windows 中文版)

受著誠濟朋友愛用的 Flickr 網路相簿,足早進前就有推出專用的上傳軟體 Flickr Uploadr 予大家方便管理上傳相片。隨著 Flickr 推出中文版網頁介面,Flickr Uploadr 嘛順紲推出中文版啊(如圖)。

Flickr Uploadr 有分別推出予 Windows (98/ME2000/XP/Vista)佮 Mac OS X 專用的版本(但這陣只有 Windows 的版本有出中文版),有需要的朋友趕緊去掠轉來用吧。另外,Flickr 針對其他系統,包括 Linux、手機、E-mail 嘛有提供上傳相片的說明,你若是 flickr 的用戶,會使來去參考看覓。

2007年7月4日

USB 週邊裝置的紲命丹 -- Macally JBoxMini

JBoxMini 是出名的電腦週邊配件供應商 Macally 公司出品的外接式電池,只有半个手袋仔大,而且重量只有 215 公克,紮踮身軀頂攏無負擔。你若是有支援 USB 充電的 3C 商品(親像藍芽耳機、iPod、MP3 隨身聽、PDA),JBoxMini 應該是會當予你延長週邊性命的良伴。

老刀受著好朋友「老地方冰果室」的 Alex Tsai 拜託,來寫了這篇試用心得。這篇文章已經囥佇:
歡迎逐家來讀看覓。